أول تعليق لمرتضي منصور علي الحكم بحبسه لمدة شهر في قضية الخطيب

بقلم / كيرلس عادل جرجس

 

صرح مرتضي منصور عبر قناة الزمالك بعدة تصريحات علي آثر حكم المحكمة عليه أمس بالحبس لمدة شهر بسبب ما تلفظ به بإهانة للكابتن الخطيب.

 

ماهو تعليق مرتضي منصور علي الحكم الصادر ضده:-

 

“معركتي معاك لن تنتهي وبلاش تتمحك في ماجده لانها مش اختك..

و حاول تطلع قول للناس فين ال10 ساعات اللي اخدتهم من ترك و فين ال263 مليون جنيه اللي اخدتهم من ترك و ليه مردتهمش لصندوق تحيا مصر..”

 

ويكمل مرتضي منصور:”وبقول للخطيب حكم الحبس اللي بيبدأ من يومين لـ 3 شهور المحكمه بتسمح للمحكوم عليه انه يقضيهم في البيت او المستشفي يعني يوم ما هتحبس فيك هروح انام علي سريري

وأن هذا الحكم لا يؤثر علي قانونية مجلس الزمالك

واوعي تفتكر ان اللي عملته النهارده و انت عارف انت عملت اي هيعدي و كده المعركه ابتدت..”

 

ويستطرد :”كمان ترك الشيخ عملك بلاغ رسمي و كل اللي بتعمله ده مش هيلغي الحقيقه..

وترك الشيخ حول أيضا 2 مليون دولار علي مجلة الاهلي علشان ميدخلوش الميزانيه..

وانا لو اخدت شهر او الف شهر أنا في ظهر بلدي وانسي انك هتستفزني علشان اغلط في بلدي..

والغريب ان القاضي الذي حكم عليا بشهر النهارده هو هو اللي اداني حكم بالبراءه في نفس القضيه قبل 4 شهور ولن اجرح به وهناك تفتيش قضائي ولسه في نقض.. لكن في يوم من الايام سأحكي كل شيء ولكن في فمي حياء..

واللي الخطيب ميعرفهوش أن ابن اختي رئيس المحكمه الاقتصاديه بس أنا مليش في اللعب..”

 

ثم أعرب عن سعادته باستلام قناة الزمالك رسميا قائلا:”وفرحان ان اليوم استلمنا قناة الزمالك رسميا من الشركه المتحده..

وغدا سيتم إنشاء شركة الزمالك للاعلان والإعلام..

والحمد لله استلمنا قناة الزمالك وبها اكبر نسبة مشاهده..”

 

 

وعن الصفقات الجديدة داخل فريق الزمالك كشف مرتضي منصور عن مفاجأة قائلا:”وكمان امبارح عقدنا صفقة لاعب اجنبي سوبر واليوم وقعنا مع الثاني و يتبقي لنا واحد اجنبي وامير سافر ورجع بعد ما خلص الصفقتين..

و بالنسبه للمصريين وقعنا مع احلي وافضل صفقات و زي ما قلت احلام الجماهير اواااامر..”

 

 

وتحدث عن الاخطاء التحكيمية في ماتش الأهلي والمصري قائلا:”والمصري اتظلم في الماتش مع الأهلي و فرموووه..

والمضحك الخطيب هاجم الحكام ابراهيم نور الدين والبنا ولو كلاتنبرج شاف مبارة النهارده يعاقبهم الا لو شرب شاي بالياسمين ومن امبارح بيقولوا لبعض عايزين نرضيه..”

 

وتهكم مرتضي منصور قائلا:”يا خالد يا الغندور متقولش لحد اني بكلمك دلوقتي على قناة نادي الزمالك عشان الخطيب مفهم جماهير الاهلي اني في السجن..”

ثم توعد غريمه التقليدي الخطيب قائلا:”معركتي معاك يا محمد السيد ابراهيم الخطيب انت والعيال اللي بيشتموني لاخر العمر..”

 

ثم ابدي احترامه لجماهير القلعة البيضاء قائلا:”جمهور الزمالك علي دماغي والحمد لله كلهم توحدوا..”