إكلير بحشو وتغليف الشيكولاتة مقدم من الشيف دعاء نصر
كتبت إيناس حسنين
المقادير :
كوب ماء
كوب دقيق
ملعقة كبيرة زبدة
١/٤ ملعقة صغيرة ملح
ملعقة صغيرة بيكنج بودر
٤ ملعقة كبيرة سكر
٣ بيضات
صفار بيضة
١/٢ ملعقة صغيرة ڤانيليا
الطريقة :
إناء علي النار فيه الماء و الزبدة و السكر و بعد السكر و الزبدة ما يدوبوا والماء يغلي نضيف الدقيق مع الملح مع البيكنج بودر ونقلب هتتكون عجينة نطفي النار و نسيبها لما تبرد خااااالص بعدين نضع العجينة في العجانة او مضرب بيض كهربائي و نضيف بيضة بيضة مش مع بعض و نضيف الڤانيليا ونضيف اخر حاجة صفار البيضة و نستمر في العجن لحد ما تكون عجينة طرية بتلزق نضعها بمعلقة في كيس حلواني و نشكل أصابع داخل صنية مدهونة سمنة او عليها ورق زبدة و تدخل فرن علي درجة حرارة ١٨٠ علي الشبكة في نص الفرن لمدة تلت ساعة او اكتر لحد الوش ما يحمر نخرج الإكلير يبرد و بعدين نفتحه من الجنب و نحشيه كريمة شيكولاتة او كريمة بندق او كريمة فول سوداني او كاسترد حسب الرغبة و نصب علي الوش شيكولاتة سائحة و نزينه حسب الرغبة و يدخل تلاجة ربع ساعة ويخرج بالهنا و الشفا
