اتهمه بالاداء البارد وقلد نفس اداؤه بعد سنوات من الخبره الفنية

حكاية من فيلم

كتبت / غادة العليمى

بعد سنوات طويلة من عرض فيلم  فى بيتنا رجل استضافوا الفنان حسن يوسف

و سألوه في احدي البرامج هل كنت تتوقع ان يصير  الفنان عمر الشريف نجم هوليودى ويمثل خارج مصر ويصبح النجم العالمي عمر الشريف؟
ضحك يوسف وحكى قصة طريفة حدثت اثناء اداء فيلم جمعه بعمر الشريف ويوسف شعبان

وقال ان الفنان يوسف شعبان لما كان لسه في بداياته وكان مشارك معانا في فيلم في بيتنا رجل مكنش مقتنع باداء عمر الشريف وكان شايف انه أدائه هادي جدا ومفيهوش حماس الشاب الثـ ـوري طبقا لتفاصيل الشخصية وساعتها حسن يوسف حس انه الكلام منطقي فا راح سأل عمر الشريف وقاله انت مش شايف انه أدائك هادي اوي بالنسبة للشخصية ومفيش صوت عالي ولا خطب ولا حماس فاجبه الفنان عمر الشريف  وقاله انا بأدي دور عضو في خليـ ـة سـ ـرية مهمتها اغتـ ـيال مسئول كبير صح؟

رد عليه حسن يوسف وقاله صح .. قاله يعني انا لو في اجتماع سـ ـري والمفروض اني مستخبي من البولـ ـيس و زعقت بصوت عالي وقولت خطبة بحماس ومخبـ ـر معدي مش ممكن يسمعني او حد من الجيران يسمعني ويبلغ عني وباقي احداث الفيلم المفروض اني واحد هـ ـربان ومستخـ ـبي من البولـ ـيس حتي النفس معدود عليا يبقا ازاي هزعق واتكلم بحماس… ساعتها فهمت قد ايه عمر الشريف كان بيهتم بالتفاصيل وقولت له الفكر والكلام اللي بتقوله ده كلام فنان عالمي .. وقد كان وصار بالفعل فنان عالمى لانه يستحق ذلك

بالمناسبة الفنان يوسف شعبان فيما بعد عمل دور ظابط مخابـ ـرات فى مسلسل رأفت الهجان و ادي الدور بمنتهي الهدوء وعمله علي أكمل وجه وبنفس فكر عمر الشريف الذى استنكره في بداية مشواره الفني