افرض.. بقلم/ ابراهيم عزت أبو غرام.
افرض انك انت مش راضي عني
طب ليه تخوني طب كنت قولي
وانا كنت اغير روحي حتى
ولا كنت غيرتي كوني
لكن صعب انك في يوم تخوني
ليه؟! ليه الخيانه فى طبعك
انتِ سهلة وعادية
ليه تبيعي نفسك لنزوة
واكون انا الضحية
ليه؟! ليه هان عليك حبي ليكِ
مع انك انتِ كل اللي ليه
طب ليه تخوني طب كنتِ قولي
وانا كنت اغير روحي حتى
ولا كنت غيرني كلي
فى حضنك كنت بتضمني
وبشوق ولهفة خدعتني
غنوة جميلة كتبتلي
اشعار كتير سمعتني
وبخيانتك انتِ عذبتيني
طب ليه تخوني؟ طب كنت قولي!
وانا كنت اغير روحي حتى
ولا كنت غيرنى كلي
