الأمر لله … بقلم: غرام نعيم
الأمر لله
بقلم: غرام نعيم
الأمر لله
لله الأمر وحده
والكون كله بإيديه
ولكل واحد وقته
منه أكيد وإليه
ده ميعاد قبل الوجود
والعمر مهما طال
برضه أكيد له حدود
يبدأ بكن فيكون
والفرح يملى قلوب
ويسعد بنا الأحباب
ولحكمة في علم الله
مفيهاش أي حساب
تبقى النهاية فجأة
وبتقفل الكتاب
لا نقول ده أصله طيب
وده كمان غلبان
ولا دي زهور اتقطفت
قبل الأوان بأوان
مالناش في الأمر حيلة
قدر وشاء وكان
عصافير الجنة طارت
تكريم من الرحمن
ده كان وقت اختبار
والكل فيه أحرار
وكان لينا اختيار
وبعد الحساب علطول
تبدأ حياة الخلد
ياجنة فيها أنهار
ياعذاب في وسط النار
الملك لله وحده
مابقاش فيها خيار
المزيد من المشاركات
