البروستد الكنتاكى الفراخ المقرمشة مقدمه من الشيف مني التابعي 

البروستد
الكنتاكى
الفراخ المقرمشة..

مقدمه من الشيف مني التابعي 

فرخة كيلو ل كيلو و نص
متنضفة كويس و متقطعه ٨:٩ قطع
او دبابيس المتاح عندك

ننغزهم كويس جدا بالسكينة ف اللحم وجمب العضم وننقعهم نص ساعة ف ميه عليهم معلقه كبيرة ملح ومعلقه كبيره خل و لمونه و ربع معلقه زنجبيل بودره وربع معلقه روزماري عشان ينضفو و ميبقاش فيهم اي ريحة زفارة

البهارات

نص معلقه صغيره مليااانه من ( فلفل اسود.. بابريكا.. توم بودره.. بصل بودره.. كاري.. بهارات فراخ.)
ربع معلقة صغيرة من ( روزماري.. زنجبيل.. كركم.. زعتر)
وكيسين من مرقة الدجاج الفورية…. نقلب كله كويس جداااا و ننزل الفراخ ونغطي الطبق ويدخل التلاجة ليلة كامله.

التغليف..

كوب دقيق
ربع كوب نشا
ربع معلقه صغيره من كل نوع بهارات نقلبهم ونحطهم ف كيس ونخرج القطعه ننزلها الكيس ونرجه كويس جدا لما القطعه تتغلف بالدقيق… وكده خلصت ممكن نقليها…
لو حابين طبقه كرسبي مقرمشه اكتر نجهز طبق دقيق تاني بنشا والتوابل وطبق ميه بتلج… ننزل القطعه ف الميه بتلج ثواني ونشيلها فورا ع الدقيق وننفضها كويس جداااا وننزلها ف زيت سخن…
التسوية.
افضل حاجة للفراخ دي حلة الضغط نحط نصها زيت يسخن ننزل بالفراخ منكترش عشان نحافظ ع سخونة الزيت و نقفل الغطا كويس بدون ما نحط السده او الصفاره ال بتكون ف حله الضغط… لمده ربع ساعه نار عاليه خمس دقايق ووسط عشر دقايق.. ونخرج كده الفراخ هتكون مسويه وزي الفل.
لو حله عاديه يكون نصها زيت بردو و نغطيها و نوارب الغطا عشان الفراخ متعرقش و تطري او القشره تفصل لمده ربع ساعه لتلت ساعه هتكون استوت وزي الفل  نخرجها على ورق مطبخ او مصفاه شبك عشان تفضل محافظة ع المقرمشة
وبالف هنا

يحتوي 100 جرامٍ من صدر الدجاج قليل الدهون على 64% من الكمية اليومية المُوصى بها من البروتين،[ وتجدر الإشارة إلى أنّ الدجاج يُعدُّ مصدراً للبروتين عالي القيمة البيولوجية؛ أي الذي يرتفع مستوى امتصاصه واستخدامه في تكوين بروتينات أخرى، ويساعد تناول البروتين على الحفاظ على الكتلة العضلية، وبناء العضلات مع ممارسة تمارين القوة، كما أنّه يساهم مع الكالسيوم في حماية العظام وتعزيز صحتها وقوتها، بالإضافة إلى ذلك فإنّ تناول البروتين يساعد على زيادة الشعور بالشبع وتقليل الرغبة في تناول الطعام. مصدرٌ للفيتامينات والمعادن: يُعد الدجاج مصدراً للفيتامينات الذائبة في الماء، بما في ذلك فيتامين ب12، وفيتامينات أخرى من مجموعة فيتامين ب، مثل: النياسين أو فيتامين ب3  وفيتامين ب6، وحمض البانتوثينيك أو فيتامين ب5  ومقارنةً باللحوم الحمراء فإنّ الدجاج يحتوي على كمية أقل من فيتامين ب12 والحديد، وكمية أعلى من فيتامين ب3، كما يُعدُّ مصدراً جيداً للسيلينيوم، والنحاس، والزنك.

رئيس قسم المطبخ ا سمسمه سعد

تابع ايضا برجر الفراخ مقدمه من الشيف مني التابعي