الدكتورة نيرمين فاروق حسن تكتب: ” كورونا فى إزدياد .. ” من فضلك .. احمي نفسك وأهلك ”
الدكتورة نيرمين فاروق حسن 
تكتب:
” كورونا فى إزدياد ..” من فضلك .. احمي نفسك وأهلك ”
بعد تصريحات وزارة الصحة اليومية ..
رسميا بقينا تقريباً 600 حالة اصابة يومياً وهذا هو المعلن فقط أو ما تم الإبلاغ به من حالات الإصابة.و طبعاً الآن والفترة القادمة أهم فترة صعبة تمر بها مصر في أزمة كورونا، ومن المحتمل أن نري جميعاً عائلات قريبة مننا فيها مصابين بالكورونا أو حالات، وأكيد لا نريد أن نفقد أحبابنا.الفيروس انتشاره انفجر خلاص وبقى في كل مكان في مصر. الناس لازم تفهم خطورة الموقف الحالي واللي عارف يقول للي مش عارف، واللي فاهم يقول للبسيط، وكل واحد يسيطر علي اسرته وعياله، و اللي عنده سلطة ينفذها و يجبر الناس اللي يقدر عليهم إنهم يلتزموا بالسيناريو الهام يا ساده …سيناريو الوعي … !وهو نفس السيناريو اللي طبق في الصين … نفس السيناريو اللي خلى مقاطعة ووهان اللي كانت هي المنبع انها تحتفل انها خالية من الفيروس.
وكمان كوريا الجنوبيه سيطرت بدرجه مزهله !
الموضوع حسبته بسيطة ..الفيروس مدة احتضانه ١٤ يوم، لو سيطرنا على نفسنا كمجتمع الفترة القادمة ٣ اسابيع اللازمة المنتشرة دلوقتي .. هتقل .. لان لو كله التزم المصابين هيبقوا محدودين و يبقي سهل يلاقو رعايه ويخفوا، و اللي بيحافظ على نفسه تبقى مهمته أسهل علشان كل اللي حواليه فاهم و بيتعاون.
دورك دلوقتي انك تختار السيناريو المناسب ليك، ولو ليك اي سلطة أو صوتك مسموع وصل صوتك و عرف اللي حواليك ان المعركة عايزة كل شخص.
لو عندك حد لسه مقتنع ان الموضوع بعيد عنه وانه الموضوع مش مستاهل كل ده او انه بعيد عننا، فهمه ان الكلام ده مش حقيقي.
وان المستشفيات مليانة وفي صعوبة شديدة ان في حد يلاقي مكان وان العزل المنزلي تم تطبيقه لكثرة الحالات وان الفريق الطبي قرب على مرحلة الانهيار، وان كل يوم دلوقتي حالتين ثلاثة بنفقدهم من الفرق الطبية وان موقفه السلبي ممكن يتسبب في عدوى لولاده او بيته او زملاءه في الشغل.
احنا دلوقتي في نفس مرحلة الإختيار اللي واجهت كل الدول اللي قبلنا، و مع انه هو نفس الفيروس، لكن كل دولة حصلت فيها حدوتة مختلفة على حسب رد فعل شعبها وهل فهموا ووقفوا مع بعض و قاوموا الجهل و قاوموا الاهمال … ولا لأ !
كلنا دلوقتي عارفين أعراض الكورونا وعارفين نلتزم ازاي وعارفين وحافظين الوقاية الذاتية ازاي ولازم كلنا نساعد بعض ونوعي بعض.
خليكم فاكرينفي دولة احتفلت بانتهاء الفيروس من مجموعة من مقاطعاتها (محافظاتها)..
وفي دولة قالت لشعبها ”ودعوا من تحبون .. فالنهاية قادمة ! ”
المزيد من المشاركات
كنا من شهور بنقول خليك في بيتكدلوقتي بنقولك #البيت_أو_الموت خروج فقط عند الضرورة القسوى بكل الاحتياطات المعروفة بحذافيرها وبدون أى تراخي.
ملاحظة هامة الدولة وفرت ٣٢٠ مستشفى تقدم خدمات علاجية لمرضى الكورونا ده غير العزل المنزلي للحالات البسيطة ومازال في مستشفيات كثير ممكن تتحول الى عزل، ولو التزامنا بإذن الله مش هنحتاج مستشفيات تانية تتحول لعزل.
عاد النشاط الرياضى وكثرت الإصابات بكورونا بينهم سواء فى فرق الرياضية الأولى أو بين رياضى معظم الألعاب !
لأن أولادنا حياتنا، ومع كثرة الإصابات بالفيروس .. لماذا لا يتوقف النشاط الرياضى حتى يختفى الوباء ؟ مثلما عادت الحكومة مشكورة لتعطى موظفيها اجازات إستثنائية ! أن يطبق حظر تجوال كامل، والإقامه الجبرية بالمنازل للحفاظ على الأرواح لمدة أسبوعين للسيطرة على الفيروس ومحاربة الوباء فخسارة الأموال أفضل بمراحل من خسارة الأرواح .. ! بدلاً من تغريم من لا يرتدى الماسك غرامة فى المواصلات العامة 50 جنيهاً ! حد يقول لى سبيها لله هى كدا ماشية ببركة ربنا .. أقول طبعا .. ولكن ”إعقلوها وتوكلوا” والوقاية خير 100 مليون مره من العلاج !
يارب إحفظنا وأولادنا وأحبابنا .. يارب احفظ مصر وأهلها ورئيسها وجيشها اللهم آمين آمين آمين.
والصور للدكتورة نيرمين فاروق بالمؤتمر الدولى للقلب 2020 القاهرة – مصر
تحياتي لكل متابعيني فى مصر والعالم ودمتم بخير وسعادة.Dr. Nermeen Farouk Hassan
Dr. Nermo of Egypt
Bachelor Physical EducationHigh Diploma Islamic ScienceHigh Diploma Sport InjuriesMaster’s Degree Sport Physiology,PhD Physical EducationHelwan University, Cairo – Egypt
National Football Referee1999 – 2010
National Bentaball Referee2006 – 2020
Lecturer in Egyptian FootballFederation 2006 – 2020
Lecturer in Egyptian BentaballFederation 2006 – 2020
National Football Commissioner2011 – 2020
CAF Commissioner 2016 – 2018Lecturer and Coach Accrediteat The Professional Academy of
Teachers in Cairo
The Press Writer in Our voiceNews and Celebrity Secrets
Press Writer in The InternationalDay newspaper in Egypt and
London
