كتبت غادة المصري،
مده التحضير ربع ساعة
مده الطهي عشرة دقائق
نصف كوب دقيق
نصف كوب حليب
نصف كوب سكر
تلت كوب زيت 1/3كوب
5بيضات
معلقه كبيره حليب بودر
3ورقات فانيليا
رشة ملح
معلقه كبيره كاكاو
للحشو
معلقتين كبار مربى او نوتيلا
معلقتين كبار كريم شانتيه بودر
نصف كوب حليب حليب
الطريقه
اول خطوه نعمل للزيت حمام مياه ساخن نضع في طبق غويط ونضع الطبق في اناء في ماء بتغلي دقيقه
ننزل بالحليب على الزيت ونقلبهم
ننزل بالد قيق والحليب البودر على الحليب والزيت ونقلبهم جيدا
نفصل صفار البيض عن البياض
ننزل بصفار البيض واحده واحده واحنا مستمرين في التقليب
ننزل عليهم بالفانيليا
في طبق غويط تاني نضرب بياض البيض مع رشة الملح لحد ما يعلا ويمسك
ناخد حته منه ونقلبها على خليط الدقيق والصفار وننزل بالباقى واحنا بنقلب من تحت لفوق
لحد مايتكون خليط ناعم
نفرد ورقة زبده في الصاج
هناخد تلت الخليط نقلب معاه معلقة الكاكاو
ننزل بجزء من الخليط الابيض وبعده جزء من خليط الكاكاو وهكذا لحد مايخلص الخليط
بخلة اسنان او سكينه هنسحب من النصف لبرا هشان نعمل الورده
اوممكن نعمل شكل تاني نعمل نقط بخليط الكاكاو ونسحب بالخله هيعمل شكل القلوب
ندخل الصاج الفرن السخن لمدة 15دقيقه بعدها هنختبرها بحرف سكينه ونطفي ونسيبها دقيقه
نخرجها نطلعها بالورقه من الصاج ونسيبه دقيقه
نضرب الكريم شانتيه بالحليب لحد ما تكون كريمه متماسه
نضع الاسبونش اللي عملناه على ورقة زبده جديده ونفرد عليه المربى وفوقها الكريم شانتيه ونبعد عن الاطراف
نبدا نلفه بورق الزبده
بعد ما ننتهي من اللف هنمسك طرف الورقه اللي تحت و بمسطره نضغط عالطرف العلوي عشان نضمن الاستداره للسويسرول
نقفل الورقه وندخل السويسرول التلاجه ساعه ونخرجه نقطعه ويقدم
وبالف هنا
رئيس قسم المطبخ أ سمسمه سعد
واسماء عزازي