الفريك بالكبد والقوانص مقدمه من شيف هبه السوداني
كتبت سمسمه سعد
مده التحضير نصف ساعه
مده الطهي نصف ساعه
المكونات
كوب وربع فريك
نصف كيلو كبده ونصف كيلو قوانص
صلصه
بصله
فص توم
بهارات فلفل اسمر كمون 7بهارات وبهارات دجاج
مكعب مرقه دجاج
نصف وحده طماطم مقطعه مكعبات
طريقه التحضير
نقوم بغسل القوانص بالخل والليمون
ونعصر ليمونه ومعلقه خل علي الكبده
نغسل الفريك تمام
نقوم بتنضيف القوانص وتقطيعها ونشوحها في معلقه سمنه ويضاف نصف كوب مياه وبهارات ورشه خفيفه ملح ونسبها لحد ما تشرب وتستوي
نقوم بقطع البصله مكعبات وتشويحها في الزيت ونكون منضفين الكبده والقلوب اللي فيها ونحطها علي البصله ونشوحها كويس لحد ما البصله تدبل نضع فص التوم و نضع عليها القوانص ونقلبهم علي بعض ونضع عليها الفريك ومكعب المرقه ونقلبهم كويس نضع الصلصه مخففه بالمياه علي الفريك ونظبط الملح والبهارات
ونتركها لحد ما تنضج نقوم بوضع مكعبات الطماطم عليها ونقلبها نزينها بالبصل المتحمر والف هنا
رئيس قسم المطبخ أ سمسمه سعد