الفنان محمود فتحي يفتح قلبه لأسرار المشاهير .
فنان متألق شق طريقه بنفسة منذ الصغر عشق الفن والفن عشقة، يتمتع ب خفة ظل غير عادية تخطي الصعب حتي أصبح له اسمه، واسم يحترم .
كان لأسرار المشاهير هذا الحوار مع الفنان الصاعد محمود فتحي .
حوار بقلم / نهي شكري .
كيف كانت بداية الفنان محمود فتحي؟
البداية كانت من المسرح المدرسي بعد ذلك مسرح الجامعة، كونا فريق مسرحي في الجامعه، وبعد ذلك مسرح الهواة عندما حاولنا في عمل اسكتش مسرحي للهواة بدون مقابل.
وايضا اثناء مسرح المدرسة عملت مسرحية وكانت تعتبر احتراف في ذلك الوقت في مركز الثقافي الروسي بطولة الفنان نجاح الموجي والفنانة عزة كمال، مسرحية فيها كم كبير من العرايس.
وبعد ذلك التحقت بكلية آداب عين شمس قسم اجتماع ودخلت العروض المسرحية وشاركت فيها.
وبعد ذلك التحقت بكلية آداب مسرح اسكندريه قسم تمثيل واخراج وبدأت اشارك في مسرح الدولة ومسرح قطاع خاص.
كيف كانت بدايتك كمذيع في القنوات و حققت نجاح باهر ؟
بدأت في القنوات اشتغلت مذيع وعملت برامج كانت ناجحة لكن الفتره دي ما كانش يوجد فيها سوشيال ميديا مثل الان.
كان في برنامج اسمه وناسه وهو كان بشكل كوميدي هو برنامج هوا وأربع ساعات هواء و هي كانت قناة شبابيه وكان ممكن اتنين يتصلوا في وقت واحد.
وبدأت اعمل كل حلقه انا اللي بعمل الأعداد وانا اللي بقدم وممكن صديقي يقدم غنوه مناسبة للموضوع اللي احنا بنقدمه.
وبدأنا نوصل المتصلين ببعض وممكن اتصال جماعي ان كل واحد بيسأل عن الآخر وعن احواله وحصل جو من الألفة بين المتصلين واستمر لمدة سنتين.
ممكن نتعرف علي بدايتك في قناة الحلبة وقصة نجاحك فيها؟
بعد كده بدات في قناة الحلبة وهي قناة للمصارعه وبدأت اعلق بطريقة كوميديه وبشكل كوميدي لطيف على المصارعه ووجدت استحسان كبير في الوطن العربي وقدمت قفشات ضاحكة في التقديم.
فقمت بتقديم البرنامج بشكل مختلف وكوميدي في نفس الوقت.
كيف تم اختيارك في مسلسل الكبير في السباق الرمضاني 2024؟
كنت في الفتره دي شغال في المسرح الكوميدي
بقيادة الفنان ياسر الطوبجي في مسرحية طيب وامير وهي بطولة بطولة هشام اسماعيل، عمرو رمزي، تامر فرج، شريف حسني محمود الهنيدي، مجدي عبد الحليم و رشا فؤاد،اخراج محمد جبر .
المزيد من المشاركات
وكانت مسرحية لطيفه استمرت وقت طويل، وبالصدفه استاذ أحمد الجندي اتفرج عليها وتم اختياري انا والفنان شريف حسني.
والمسلسل ترند وليه جمهور كبير والحمد لله بدأت الاستعداد بمساعدة استاذ/ احمد الجندي وهو من أهم مخرجين الكوميديا في مصر وبيعرف يستخرج الكوميديا من الممثل فعلا.
وكان لطيف معي جدا والاستاذ احمد مكي شخصيه جميله فكانت الكواليس جميله جدا جدا واحنا حتى بنعمل الجروب وكان اي اضافه ممكن اضفها بأخذ رأيهم او اعرضها عليهم موافقين بنقوم بعمله،
مش موافقين عادي نغير والكراكتر الناس استقبلته بشكل جميل وانا مكنتش متوقع ان الناس تستقبله بالشكل الجميل ده والحمد لله ده رضا من ربنا.
ممكن تكلمنا عن احدث اعمال الفنان محمود فتحي؟
في مشروعين شغال فيهم باذن الله مشروع برنامج و
مشروع مسلسل وقريبا ان شاء الله يخرجوا بشكل لطيف جيد ويعجب الجمهور باذن الله.
وفي مسرحية سندباد مع استاذ كريم عبد العزيز وأستاذة نيللي كريم وأستاذ بيومي فؤاد واستاذ مصطفى خاطر وان شاء الله باذن الله تنول استحسان الجمهور وتعجبهم.
و بنرجع للفيديو قريبا في مسلسل تم الاتفاق عليه وفي برنامج اسمه تذكرة سفر والبرنامج ده في قناه سعوديه.
نرجع للخلف لمسرحية حققت نجاح كبير تكلمنا عن مسرحية الصندوق؟
مسرحية الصندوق كانت اخراج صديقي رضا حسنين والمؤلف محمد الزنادي بطولة الفنان ياسر الطوبجي والفنان ناصر شاهين ومحمد عبد الخالق وامير عبد الرحمن وطه خليفه ورحمة الله عليه احمد عبد الحي وطه السادات واميره فريد.
كانت مسرحية خفيفة وكان بيني وبين ناصر شاهين وياسر الطوبحي كيمياء لطيفه سلسه وكان الجو بيني وبين اصدقائي الممثلين كان جو اسري ولطيف والحمد لله عجبت الجمهور.
دور يتمنى الفنان محمود فتحي العمل فيه؟
انا كممثل اي دور احب اللعبه ويكون مناسب ليا والكراكتر اللي بيتعرض عليا كوميدي و اوقات كثير تراجيدي فالحمد لله بقوم باي دور وفي” بين عالمين” مع الاستاذ احمد مدحت المخرج الجميل اللي انا بحبه جدا، الفنان طارق لطفي.
وكنت عامل دور تراجيدي وحد طيب جدا ومسكين كده وغلبان الدور ده كان عاجبني وعجب الجمهور و عجب صناع العمل نفسه.
وعملت في مسلسل ظل الرئيس وكمان في مشهد مع استاذ ياسر جلال كان تراجيدي ومش كوميدي انا مش بقوم باختيار العمل الدور بيتعرض عليا ودي المهنه بتاعتي وبحاول ان انا اذاكر الدور كويس واشتغل عليه كويس.
لكن بالنسبه انا نفسي اقدم ايه نفسي اقدم دور خاص بذي الهمم، المعاقين ونفسي اقوم بتأديه الدور لانه دور قريب من قلبي، وبحاول اعمل حاجه قريبه.
وان شاء الله هعمله في فيلم روائي قصير ويا رب خير ان شاء الله و ربنا يوفقنا، انا بشكر الجمهور بشكر الناس اللي وقفوا جنبي بشكر استاذ احمد الجندي استاذ احمد مدحت اساتذه مخرجين كبار ومحترمين .
لمن يوجه الشكر الفنان محمود فتحي ؟
وبوجه شكر خاص لاستاذ/ احمد الجندي عايزه اشكروا جدا جدا ويعتبر دين في رقبتي لانه عمل معايا عمل كبير جدا جدا انا فعلا أعتز بيه جدا وبعشق الراجل ده لانه حد محترم جدا ما عندوش مجاملات في الشغل، الشغل كل حاجه عنده .
ومع ذلك هو انسان محترم فنان مخرج يمتلك ادوات محترمه جدا بشكر استاذ محمد خيري المخرج المنفذ هو فعلا وقف معايا جدا واشكر الدكتور شادي علام واستاذ مصطفى غريب طبعا ده حبيبي وصديقي،
وطبعا بشكر الاستاذ احمد مكي الكبير انه أتاح لي الفرصه اني اكون عضو في مسلسل الكبير فالحمد لله انا فعلا بشكره و بقدره وبحبه فانا من بداية مسلسل الكبير وكان نفسي اشتغل فيه بس الحمد لله ربنا اذن واشتغلت فيه.
ونفسي اعمل ادوار تنال استحسان الجمهور وبشكر زوجتي العزيزة قمر لانها واقفه جنبي و موفره لي كل شيء دايما ان انا اكون مركز في شغلي بجد انا بشكرها هي الواقفة جنبي دايما، بشكر اولادي كريم و رحيم واتمنى اني اكون ليهم الاب اللي يفتخروا به و اسعدهم بشكر اسرتي الصغيره اللي بحبها جدا وربنا يقدرني و اسعدهم دايما واكون عند حسن ظن الجمهور.
أقرأ أيضا
حصري لاسرار المشاهير الفنان ناصر شاهين يتحدث عن احدث اعماله.
