الكاتبة نشوى الحوفي تنعي الراحل يوسف شريف رزق الله بكلمات مؤثرة

متابعة / دعاء سنبل

نعت الكاتبة صاحبت القلم الجرئ “نشوى الحوفي ” الكاتب والناقد الراحل يوسف شريف رزق الله بكلمات مؤثرة عبر حسابها على صفحات التواصل الإجتماعي قائلة “

وداعا ايها المثقف…تركت بصمة
يوسف شريف رزق الله كان علامة جودة لاي برنامج يتحط عليه اسمه كاعداد…. لما كان المعد من عينة انيس منصور و يحي تادرس و طارق حبيب ومفيد فوزي…مش ريجيسيرات للاسف زي غالبية معدين اليوم.
يوسف شريف رزق الله كنت باشوف حضوره في كلمات درية شرف الدين في برنامج نادي السينما كل يوم سبت الساعة ١٠ على القناة الاولى من سنة ١٩٧٥
يوسف شريف رزق الله كنت باسمع رؤيته في تقديم سناء منصور لبرنامج اوسكار كل يوم خميس الساعة ١٠ على القناة التانية من سنة ١٩٨٠
يوسف شريف رزق الله كنت باتفرج عليه صوت وصورة كل يوم جمعة في برنامجه تليسينما الساعة ٣.١٥ على القناة التانية بمعلومات عن كل الافلام الاجنبية اللي حتتقدم على الشاشة خلال الاسبوع.
يوسف شريف رزق الله الفنان الطيب المثقف الحاصل من فرنسا على وسام فارس وقد منحنا الرقي والمتعة والثقافة…رحل عن الحياة النهاردة الصبح.
يوسف شريف رزق الله اللي لما سألوه تتمنى ايه؟ قال اسيب بصمة بشغلي الناس تفتكرني بيها
وداعا يوسف شريف رزق الله…الله يرحمك ويرزقك جنته