الكرش ( Belly Fat )

اكبر مشكله بتقابل اغلب الناس سواء رجاله او سيدات او حتي الاطفال هي الكرش .
يمكن في ناس كتير عندها ديفوهات في جسمها لكن اعتقد ان الكرش هو بيكون صاحب المشكله الاكبر ديما خصوصا ان اصحاب الكروش بيكونا دايما رفيعين في باقي جسمهم ف بيبقي عامل كانه حامل سواء راجل او ست
يقول كابتن محمد عادل مدرب معتمد من الاكاديميه الدوليه للعلوم الرياضية والمؤسسه الاستراليه للفتنس
قبل ما ادخل في تفاصيل عن اسباب الكرش او اسباب تراكم دهون البطن لازم نوضح نقطه مهمه
طبيعه جسمك هي المتحكم الاول في اماكن تراكم الدهون في جسمك . يعني في الاغلب جسمك بيخزن الدهون في البطن او في الارداف بسبب طبيعه جسمك وجيناتك والخ
الي هعرضه دلوقت بناء علي دراسات علميه بيوضح بعض العوامل الي ممكن تسبب مشكله تراكم دهون البطن او تزود منها لكن مش هتغير القاعده الاساسيه :
تعالوا نعرض اهم اسباب تراكم الدهون في كرش حضرتك :
1- السكر
عملوا بعض الدراسات لقوا ان في صلة بين ارتفاع تناول السكر وزيادة الدهون في البطن. وفي احتمال كبير ان السبب زياده محتوي الفركتوز في اغلب المنتجات .
وغالبا السبب الاكبر ان اغلب المنتجات المحلاه بيكون داخل في مكونتاها السكر الابيض وشراب الذرة عالية الفركتوز . لما عملوا دراسه تاني ف لمدة 10 أسابيع، لقوا فيها ان حصل زياده في الوزن للناس الي استهلكت 25% من سعراتهم الحرارية كمشروبات محلاة بالفركتوز رغم انهم ماشيين علي نظام غذائي للحفاظ علي الوزن علكن الي حصل ان انخفض عندهم حساسيه الانسلولين وحصل زياده في الدهون الحشويه في البطن
2- الكحول :
المشروبات الكحوليه بانوعها بعديا عن الحرمانيه الدينيه هي اهم مسببات تخزن الدهون في منطقه البطن / غير طبعا الاضرار الصحيه الكتيره التانيه .
الكحول ممكن يسبب مشاكل في الكبد والتهابات ومشاكل صحيه كبيره
واظهرت بعض الدراسات ان الكحول احد اهم مسببات تراكم الدهون الحشويه وتخزينها جزئيا في البطن لدرجه اطلقوا مصطلح ( البيره البطن ) :
3 – الدهون المهدرجه ( Trans Fats )
للاسف الدهون المتحوله هي اكتر شئ كلنا بنستخدمه بدون ما نعرف بعد السكر لان اغلب الكوكيز والشوكلاته وزبده الفول السوداني بيتم اضافه الدهون المتحوله المهدرجه فيها علشان بتزود صلاحتيها وبتحافظ علي الطعم والخ ف اغلب مصانع بستخدمها للاسباب دي رغم اضاراها الكبيره علي الصحع عموما
الدهون المهدرجه بيتم صناعتها عن طريق إضافة الهيدروجين إلى الدهون غير المشبعة علشان تبقي اكثر استقرار .
وطبعا الدهون المهدرجه الدراسات اثبتت انها ممكن تسبب مقاومة الأنسولين وأمراض القلب وأمراض أخرى مختلفة
في بعض الدراسات اثبتت ان الدهون المهدرجه ممكن تسبب تراكم الدهون في البطن
4- الاكل قليل الالياف الغذائيه :
اغلب الناس بتحب تتجه للاكل قليل الفايبر بدون قصد زي منجات الدقيق الابيض
مكرونه – حلويات وكيكات
اغلب الاكلات دي فقيره بالالياف الغذائيه وده بيعمل مشاكل كتير اهما
ان الالياف اكتر شئ بيساعدك في الشعور في الشبع لوقت طويل لان المعده مش بتقدر تهضمها ف بتاخد وقت طويل في المعده لحد ما المعدره تخرجها بره الجسم .
الالياف وهي خارجه بتاخد معاها الفضلات وببتساعدك في دخول الحمام بسهوله .
الالياف ، بتساعدك في استقرار في هرمونات الجوع والحد من امتصاص السعرات الحرارية من المواد الغذائية
في دراسة علي حوالي اكتر من 1114 رجلا وامرأة، كان فيها تناول الالياف لقوا ان حصل انخفاض الدهون في منطقة البطن. لكل زيادة 10 غرام في الألياف القابلة للذوبان في الاكل حصل انخفاض بنسبة 3.7٪ في تراكم الدهون في البطن
طبعا الالياف موجوده في الخضروات وفي منتجات الدقيق الكامل والشوفان والشعير واغلب الحبوب والفواكه 🙂
واحد الدراسات وجدت ان دهون البطن انخفضت في نظام غذائي صحي فيه اكلان ملئيه بالاياف زي الحبوب الكامله
5 – قله النوم :
اغلب الناس مش بتنام كويس اصلا :
عموما
اكتر من دراسه وجدت ان قله النوم وعدم اخذ القدر الكافي من النوم او الناس الي عندها اضطرابات في النوم زي توقف التنفس اثناء النوم لقوا ان حصل عندهم زياده في دهون منطقه البطن
الخلاصه :
نظام غذائي صحي مناسب ليك ولظروفك .
ممارسه رياضه
البعد عن التدخين والكحوليات
البعد عن السكريات والمعجنات المصنعه
البعد عن الدهون المهدرجه غير الصحيه اشهرها طبعا السمن النباتي الي في كل البيوت
النوم بدري والصحيان بدري بيحسن الصحه والحرق