المعمول الفلسطين
مقدم من شيف رانيا على
يلا حبايبى عشان اقولكم أسرار وتكات المعمول اللى هتخليه يطلع معاكى تحفه وطعمه يجنن عشان الباقات اللى خلصت مالكيش حجه اهو
المقادير:
مدة التحضير 24ساعه
مدة الطهي 20 دقيقة
كيلو سميد ناعم
٣معالق كبيره سكر بودر
نص كوب حليب بودر
معلقه محلب مطحون
٢كوب ذبده مذابه
كوب ماء صغير للعجن ومعلقه صغيره خميره فوريه
للحشو:كيلو عجوه ونص كوب ذبده ومعلقه قرفه كبيره ومعلقه هيل مطحون اختيارى
الطريقه : فى بوله كبيره هنحط السميد وعليه السكر واللبن البودر ومعلقه محلب مطحون ونخلط المكونات بأيدينا مع بعض ننزل بالزبده السايحه تكون دافيه بيسط عشان تسهل عليك بس السميد ونبدأ بقا نبس والسميد كويس قوى بالزبده المرحله دة مهمه قوى وايدك هتوجعك عشان فعلا لازم نبسه مش اقل من ربع ساعه عشان نتأكد كل حبه تكون اختلطت بالزبده هنغطيه ونسيبه ٢٤ سااااااعه متتخضيش هو كده لازم نسيبه الفتره دى كلها عشان يظبط معاكى طيب وبعدين يا رورو🤔 ايوه هقولك متستعجليش هنجيب كوب ميه صغير حوالى ٢٠٠ ملى هندوب معلقه الخميره من غير سكر بحبه ميه وبس ونقلب وننزل على الخليط ونكمل بقيه الميه ونعجن كويس قوى مش اقل من ٢٠ دقيقه لحد ما تبقى عجينه متماسكه ايدك هتوجعك عارفه بس النتيجه مضمونه والطعم يجنن
لو لقدر الله الميه ذادت منك والعجينه ملمتش تحطى حبه دقيق تلمى بيهم العجينه
الحشوه بقا : نحط العجوه فى الميكرويف تطرى معانا ونحط عليها السمنه او الزبده ونفكمها ونحط القرفه ومعلقه الهيل نشكلها كور صغيره وناخد قطعه من العجينه صغيره ونحط كوره العجوه فيها ونقفل بالعجين عليها وننفشها من بره ونرصها فى صنيه الخبز وتدخل على درجه حراره ١٦٠ بعد ما تخرج سبيها ترتاح وتبرد خالص وبعد كده قدميها والف هنا
رئيس قسم المطبخ أ سمسمه سعد
تابع ايضابسبوسه بالمكسرات مقدمه من شيف سهام
تابع ايضااسرار نجاح الكحك مقدمه من شيف مني التابعي
تابع ايضابلح الشام مقدم من الشيف نشوىٰ.
