النجمة”يسرا”تطمئن جمهورها بتصريحات خاصه حول إصابتها بمرض سرطان الدم
كتب/ أمجد زاهر
صرحت النجمة يسرا لاحد المواقع الاخبارية المعروفة عن حقيقة تعرضها لمرض سرطان الدم،موضحا انه ما اشيع عنها فى تلك الايام عبر صفحات السوشيال ميديا ،بالكلام المغلوط بأن بعض الناس فهمت حديثها فى أحد البرامج التى ظهرت فيها مؤخرًا بشكل خاطئ.
يسرا توضح لجمهورها حقيقة مرضها
حيث قالت النجمة الكبيرة يسرا لاحد المواقع الاخبارية من خلال رسالة نصية “مساء الخير على كل الناس الحلوة الطيبة اللى بتسأل عليا وخايفة عليا، ربنا يخليكم يارب ليا بس عايزة أطمنكم، أنا لما كنت بتكلم فى برنامج “علمتنى الدنيا”، كنت بقول كانوا شاكين إن عندى لوكميا “سرطان الدم”، من فترة طويلة وقعدت فى الشك ده 3 شهور، وأنا الحمد لله بخير كويسة ماعنديش حاجة ربنا سترها وطلع التشخيص غلط، والكلام ده كان من 15 سنة”.
يسرا تشكرا جمهورها ووصفهم بالحب الكبير
المزيد من المشاركات
وأضافت النجمة الكبيرة يسرا فى رسالتها الصوتية: “بقول لجمهورى الحبيب الغالى بشكركم جدا على دعاكم وبشكركم جدا على خوفكم عليا، وعاجزة عن الشكر، ومهما هقول ما أقدرش أوفى الحب الكبير ده، ربنا يخليكم ليا، وبشكركم أوى أوى أوى، والله العظيم أنا ربنا مدينى الخير والصحة، الحمد لله أنا كويسة جدا جدا على الخوف، عايزاكم دايما تدعولى، لأن بحتاج الدعاء على طول، وربنا يحفظكم انتوا كمان من كل شر”.
يسرا تنهى حديثها بالدعوات
وأنهت النجمة الكبيرة يسرا حديثها ، قائلة :”الحمد لله صحتى كويسة، وبشكركم جدا على اهتمامكم، وبشكر جدا الناس اللى خافت عليا، وبحبكم وميرسى على الدعوات اللى أنتوا باعتوهالى، بس الحقيقة أنا بطمنكم إن مفيش أى حاجة فيا، ما عنديش المرض ده، ربنا يعافينا ويعافيكم”.
