بالفيديو / قصيدة ” نحن نزرع الشوك”
بالفيديو / قصيدة ” نحن نزرع الشوك”
للشاعره ولاء محمد عبد العزيز
بقصيدة جديدة وأداء مميز وجذاب كعادتها أطلت الشاعرة الموهوبة ولاء محمد عبدالعزيز علي جمهورها بقناة جريدة ” أسرار المشاهير” .
فتقول في قصيدتها الجديدة .
قالوا زمان لا بإدينا زرعنا الشوك ولا روينا .
علمونا الدنيا وحشة طول عمرها قاسية
علينا.. وكمان قالولنا لازم نعانى
والبخت لومال ده مش بإدينا
وكتبولنا سيناريو الحياه
ومشينا على النص بجدارة
والتهينا.
أخدنا اوسكار دور الضحية
قبل النهاية طلعنا احنا اللى
افترينا!
كل الشواهد ياعم ضدك انت
وانا الجانى.. (مش مجنى علينا)
شوف أد ايه جلدنا الذات وأنبنا فى روحنا
شوف أد ايه قطعنا فيها وإتجرحنا وإدبحنا
طبطبنا على الكل ورحمنا
أما هى سقنا فيها وإستبحنا
بس أنا مثابر صبور ومش همل
حرام عليك نفسك حتى الجمل بيكل
ربك يحرم شئ وانت تيجى تستحل!!
حرم يكلف فوق طاقتها
واحنا شيلناها هموم تشل
ماتفوق بقي لروحك أيوه خليك أنانى
بمعناها الجميل مش بأى معنى تانى
أنا فى أول القايمة وأى شئ بعدها تانى
أنا الوردة وأوراقها ومايتها
وجناينى ليها وبستانى
هكون ليها حبايبها وخلَّانها
وهعاملها بشكل لطيف وإنسانى
وهقبلها بكل تفاصيلها وبهبلها
هحب فيها برائتي
هحب هدوئي وجِنانى
بحبك ياللِّى جوايا لكى منى شكرى
وتقديرى… وإمتنانى.
شاهد الفيديو وكيف قامت بأداء كلماتها الجميلة
