س/ إزاي أحافظ على إبني من التحرش والإغتصاب ـ ج / الحل عندنا

المشكلة .

سلام عليكم.. من فضلك عاوزاكي تحليلي مشكلتى ؛ انا ام ل3 اطفال ابنى الكبير عنده 8 سنين فى . المهم اننا كل لما نروح عند جده بيلعب مع ولاد عمه هما اكبر منه عنهم 16سنه بيدخلو شقتهم ويقولو هنلعب مع بعض وانا بسيبه يلعب معاهم لاننا مبيخرجش خالص وما بيصدق يروح هناك عشان يلعب.. المهم بقالى فتره قلقانه و قلبي مش مطمنى عليه جبته وفضلت اهزر معاه واقوله انت حبيب ماما ونور عنيا واغلى واحد عندى واكبر ولادى نخلى اسرارنا مع بعض وتحكيلى ع كل حاجه واوعدك ان مفيش حد يعرف اللى بينى وبينك المهم فضلت اساله راح قالى يماما ابن عمى لما بروح بيقلعنى البنطلون وبيعمل كذا .. واخوه مرة عمل كده ؛اخدته فى حضنى وفضلت اقوله لا يا حبيبي اللى بيعمل كده ربنا بيجبله مرض وحش والناس بتكرهو لكن انت راجل وهتخاف عليا انا واخواتك وكلام من ده .. المهم لما ابوه جه حكتله براحه اللى حصل راح جاب الولد وفضل يضرب فيه ويشتمه بغباء ويقوله هضربك وهرميك فى الشارع …طيب انا مش عارفه تصرف مين اللى صح انا ولا ابوه وبعدين الولد عمال يعيط جامد ويقولى انا كدبت عليكى مقولتلكيش الصراحه وابوه الله يسامحه خلاه فقد الثقه فيا واتعامل بغباء وفضل يشتمه شتايم قذره .. انا المفروض تصرفي يكون ازاى دلوقتى مع ابنى ؟ وابوه مش كان يروح يرد على اخوه بدل ميعمل كده فينا ويخلى اخوه يأدب ابنه لكن انا ابني صغير العيب على ابن اخوه كبير وفاهم الصح من الغلط

الحل ..

اختى نصيحتى اقفلى على الموضوع مع كل الحذر ان ابنك يختلى بيهم لانك لو تكلمتى بدون دليل لن نسمعى الا الاهانه من الكبير والصعير وخير مثال زوجك يبقى نصرف صح ومتخليش ابنك يلعب معاهم ولايبعد عن عينك قولى لهم ابعدوا عنه خالص احسن لكوا وانتوا فاهمين وطبعا هما هيعرفو انتى بتتكلمى عن ايه ابنك ملزوم منك انتى واعملى على تجديد ثقته فيك وخرجيه وفسحيه واحلفى له ان سرا انا وانت مع بعض مفيش حد هيعرفه بعد كده ولو ابوك نفسه جددى ثقته بكى ولاتتكلمى مع ابوه ثانيا انتى زوجه وام حكيمه فحلى مشاكل ابنائك وحدك دون تدخل زوجك