بقلم / خالد عبد العزيز
ياحلاوة بوز الست …وياجمال بوز الست
وأنت مع صحابك وبتضحك وتليفونك يرن حبيبتي
وتقوم منفوض وتقول لأصحابك سااايلنت .الحكومه✈️وتبعد عنهم “٥”متر وبصوت وقوووور وهادي “أيوه ياحبيبتي”
وهي بصوت أنثي الدانياصور !أنت فين ؟
لازم ترد بسرعه وتكون محضر الأجابه …
ومع مين ؟ لازم تقول اصحاب هي تعرفهم كويس وأوعي تقول اسم جديد هتطلب بيانات ….الوظيفه والسكن والحالة الأجتماعيه ؟!!
وفي أخر المكالمة بأنين انثي الأسد …”ماتنساش الطلبات” ..
هتقول لصحابك هخلع انا وتسمع منهم
“الشبشب أترفع &وره غسيل &هينيم العيال….وعادي هتضحك معاهم
عند باب الشقه هتفتكر انك نسيت الزبادي أوبااااا ….وهتدخل متسحب زي الفار …وهب تخبط ف البوز لأ مش بوز الترابيزة ياريت بوز الست
أحلي بوز في الدنيا
اشكاله متوازي الأضلاع أو دائري حلزوني….احجامه في الميديام وده قد علبة الزبادي وده هادي وفي اللارچ وده بيخايلك في الشقه وفي الإكس لارچ وده بتفتح الباب يلزق ف وشك
وفي بوز العيال وده بيظهر في راحتك والعطل الرسمية وده معاه شتايم ودعوات وحاجات بتطير في الجو
وفي بوز اخر الشهر ده بيخف مع القبض وفي بوز القمصوده بيطول شويا لحد ماتعترف وحجم المصيبة .ومستوي المزه ….والحمد لله علي نعمة بوز الست ..احلي بوز ..الخير والبركة
وعلي رأي المثل “أمن ع البوز تعيش لزوز و”ياحلاوة بوز الست”