تورتة البلاك فورست مقدمه من الشيف المتميزه عبير حافظ

اسم الوصفه: تورته بلاك فورست سهله وبسيطه
مقدمه من: عبيرحافظ
مده التحضير: 40دقيقه
مده الطهى: ساعه تقريبا
المقادير:
٢ونص كوب دقيق..كوب لبن..كوب سكر..وزيدى نص كوب لو حاباها مسكره..٤بيضات ..معلقتين كبار سمنه او زبده..معلقه كبيره نشا..ذره ملح..معلقه كبيره محسن كيك جيل..باكو ومعلقه صغيره بودر شيف..٣معلقه كبيره كاكاو خام..نصف معلقه نسكافيه ..فانيلا ..٥مكعبات تلج.يفضل كل المكونات تكون خارجه من التلاجه يعنى بارده.
الطريقه:
هنضع..فى الخلاط اللبن السكر..البيض..السمن..والفانيلا
والمحسن الجيل..والنسكافيه..ومكعبات التلج..ونضربهم جيدا..حتى يتجانس القوام والخليط حجمه يزيد ويعلى.
هنجهز الدقيق مع البيكنج بودر..والنشا والكاكاو..ورشه الملح وننخلهم حوالى ٣مرات ..عشان ندخل الهوا.نفرغ الخليط فى بوله ..ونضع عليه الدقيق..على مرتين..مع الضرب بالمضربالكهربى..من 3:4 دقايق حتى يتجانسوا ونلاحظ الحجم زاد..وبقى كريمى.يوضع فى صنيه مدهونه سمن فقط..وتوضع فى فرن ١٨٠..ولا تفتحى عليها قبل نصف ساعه..بتقعد ساعه تقريبا..وتترك حتى تبرد..افرشى تحتهاورقه زبده.. وتوضع بالتلاجه لتانى يوم..هتتقطع معاكى زى الجاتوه.وتقدرى تقسميها طبقات.
للشكل ده..قسمتها 3طبقات..وحشيت كريم شانتيه..وصوص جناش وكريز.
للكريمه:
ضربت ربع كريمه بودر..وعلبه كريمه خفق سايله..واللبن ساقع حليته بسكر خفيف وبزيد لبن حسب القوام..مايظبط معاياوبسيبها فى التلاجه فتره قبل الاستخدام.وحشيت وغطيت الوجه.
الجناش:
200جرام شيكولاته..خام مبشوره..100ملى كريمه سايله..اولبن مع معلقتين كريمه بودر..ومعلقه زبده..
هنسخن الكريمه مع الزبده كويس..ونضيفهاعلى الشيكولاته..ونستنى شويه وبعدين نقلب..ونسيبها تبرد.. يكون قوامها مناسب انك تحطيه فى كيس حلوانى..وشكلى زى ماتحبى..لا تضعيهافى التلاجه..سبيهاهتبردوتتقل لوحدها..بعد التزيين توضع حبات الكريز