“حصالة المشاعر!”
“حصالة المشاعر!”
بقلم/دعاء خطاب
فكر في (علاقتك) بالناس اللي حواليك علي إنها #حصاله بتحوش فيها.. بس مدخراتك فيها مش فلوس!!
بتشيل جواها رصيدكم من الحب.. الدعم الجدعنه ..التواجد الصدق .. الأحتواء، وأيامكم الحلوه وذكرياتكم سوا، سنين ومواقف كنتم فيها مع بعض علي الحلوه والمره، كلمه صادقه طيبتم بيها خاطر بعض، نصيحه امينه ..لقمه هنيه اتشاركتم فيها ..حاجه لحد منكم وقضيتوها، طبطبه
مخلصه ..ضحكه صافيه ورايقه طالعه من القلب ..لحظة حنان لمست الروح ..حكمة وعقل واحد منكم وزنت طوفان
مشاعر الآخر، حزن ..مرض ..فقد وكنتم إيد في إيد وقلب علي قلب، إحساس بالوحده محيته بوجود حقيقي، حاجات
كتيررررررررر في حصالتك من العلاقات الإنسانيه بجميع أشكالها ومسمياتها ..دي زخيرتك للي جاي من عمرك، دي زادك للأوقات الصعبه واللي باقي من الرحله، احرص علي إنك متسبش وجع ..ماتكونش سبب لغيرك يفقد الثقه في
الخير والحب وماتتسببش في كسر وآلم، حاول تكون نعمه في حياة حبايبك .
” كُن لي صديق، وأهل بعد الأهل والف حبيب..كُن لي وطن”
دعاء خطاب
