احنا كناس ” البنت اللي ف الثانوي وكليه اكترهم دلوقتي انا بحب ده ونفسي اكمل معاه يارب يكمل معايا مش مهم دراستي والكلام ده الست المتجوزه انا خلاص مش مهم المهم انو ميكونش زعلان مني ومش هشتغل هفضل قاعده ف البيت اربي بناتي واعمل الاكل و الشرب واهتم ب البيت وانا مهتمش بنفسي الست اللي بتشتغل وقعدت من الشغل بسبب ابوها انو فاكر معني انها بتصرف علي نفسها يبقي ابوها مش راجل ! الست اللي موقفه حياتها علي راجل علي فكره الحياه مش راجل وبس !الحياه عباره عن شغل وشهاده وإني احقق كل اللي نفسي فيه وبعدين راجل !لي من واحنا صغيرين بنوقف حياتنا علي طفل !ولي لما بنكبر ونتجوز بنوقف حياتنا عليه مش يمكن نتطلق ؟وفالاخر بيسحبها للمحاكم عشان النفقه ” وبردو الرجاله بتستحمل علشانا كتير حرفيآ يعني ممكن راجل يحب بنت ويشتغل بجانب الجامعه عشان يعرف يبقي معاها وممكن واحد متجوز وعايز يفرح مراته بهديه فيشتغل شغلانه اضافيه بجانب شغلو الأساسي وممكن راجل يشوف مراتو زعلانه بس يزعل ويتعب لزعلها الرجاله مهمه ف الحياه عامةً بس مش هنموت من غيرهم ..وكل الرجاله مش وحشه بالعكس احنا كمجتمع الستات بتغلط اكتر من الرجاله !!…ويقولوا انا عندي حريه وانا عندي كذا وكذا وكذا .. اي راجل واي ست بيغلط واي راجل واي ست مينفعش يوقفوا حياتهم علي بعض عشان احنا مش بندوم لا ذاتنا اللي بتدوم
يعني الخلاصة ..
حب واتحب وعيش وكمل لكن حقق ذاتك الأول وبلاش تخلي شريك حياتك يهدم مستقبلك سواء كنت راجل أو ست
تحقيق الذات هدف لو تعبنا شوية هنقدر نحققه
بلاش نقول ماحنا كدة كدة هنتجوز وخلاص
لا انت بتبني جيل جديد ونشأ لازم يطلع يلاقي أهله مستواهم الإجتماعي مشرف
