حلويات مولد النبي ملبن عين الجمل الحمصية الفوليا السمسمية البسيمة اللديدة مقدمه من شيف سماح عطيه
كتبت سمسمه سعد
مقاديرملبن عين الجمل
كوب سكر
٢ معلقة كبار عسل جلوكوز
تلت كوب نشا
كوب ماء
رشة ملح لمون
الكمية اللي انا عاملاها في الصورة مقدارين وممكن تعملي ملبن مكعبات
اول حاجة الماء والنشا علي النار لحد مايتقل انزل بالسكر والعسل ورشة ملح الليمون وابتدي اقلب ولازم علي نار هادئة لمدة نصف ساعة لحد مااحصل علي العود المطلوب اختبرة بخلة لو فضل علي الخلة بيكون كدة تمام يثبت كويس في الحالة دي بيكون مش مضبوط وعادتا بياخد نصف ساعة علي نار هادئة مع التقلب المستمرفي الاول بيكون لونة ابيض انما في النهاية بحصل علي اللون الاصفر الفاتح وفي المرحلة دي بيكون الملبن استوي وهو دة العود المطلوب
اكون لضمة عين الجمل في خيط ومحضر واجيب ورق فويل واحط علية نشا وانزل بحوالي ٥ معالق كبار من الملبن افردها بالراحة وانزل حبل عين الجمل فيها والم الملبن من الجوانب علي عين الجمل واضيف كمان ملبن من فوق عين الجمل واحط من فوق نشا يعني اغلف الحبل كلة بالنشا والفة رول علشان بيكون سخن جدا وادخلة التلاجة ليلة كاملة
وممكن في صنية فيها ورقة زبدة ومتبطنة بالنشا انزل بالملبن بتاعي واحط فوق الوش مكسرات او اخلية سادة وتاني يوم اقطعة مكعبات
مقادير الحمصية
٢ كوب ونصف حمص
كوب سكر
نصف كوب عسل جلوكوز
ربع كوب ماء
معلقة صغيرة ماء ورد
اولا نحمص الحمص في الفرن علشان نطلع منة الرطوبة ونضيف كل المكونات علي بعض ونقلب كويس جدا جدا وعلي نار هادية لحد مااحصل علي العود المطلوب بياخد حوالي ١٢ دقيقة علي النار ولازم المكسرات تكون ساخنة وننزل بالعود بتاعنا علي الحمص ونقلب وفي صنية مدهونة زيت ننزل بالحمصية بتاعتنا وادهن الاسبتيولا زيت واضغط واسوي كويس واسبها دقيقتين وبعدين اقطعها قبل ماتنشف او ممكن احطها في قوالب التارت الصغيرة علشان احصل علي الشكل المدور والطريقة دي هي نفسها طريقة الفوليا والسمسمية واي نوع مكسرات طريقة مضبوطة جدا وبالف هنا علي
اما اللديده مقاديرها
٢كوب ونصف جوز هند ناعم او ورق
كوب سكر
نصف كوب عسل جلوكوز
ربع كوب ماء
المقادير كلها علي بعض ونقلب وعلي نار هادئة جدا لمدة ١٢ دقيقة ننزل بجوز الهند علي العود ونقلب وفي صنية مدهونة زيت جوز الهند او زيت ذرة ننزل باللديده بتاعتنا ونضغط ونساوي الاطراف وبعد دقيقتين نبتدي نقطعها الشكل اللي تحبوة مدور بالقطاعة او مستطيل كدة بالسكينة عادي خالص وانا كمان شكلتها علي شكل كور صغيرة
الكراميل الفول السوداني
او اي نوع مكسرات عوزة تعملية بالكراميل
١٥٠ جرام سكر
٦٠ ملي عسل جلوكوز
٣ معالق ماء
نصف معلقة ملح
معلقة كبيرة زبدة
نص معلقة من البيكنج صودا
١٠٠ جرام فول سوداني
الطريقة نضيف السكر والعسل والمياة واقلب كويس واحطهم علي النار علي درجة حرارة متوسطة لحد مااحصل علي اللون الذهبي الفاتح واضيف عليهم الملح والذبدة واقلب كويس جدا جدا وبعدين البيكنج صودا ونقلب كويس وبعد كدة ننزل بالفول السوداني ونقلب ونكون محاضرين صنية فيها ورقة زبدة مدهونة زيت ننزل بالفول السوداني والكراميل ونفرض كويس وبعد نصف ساعة نقطعة والطعم وهم بجد وتقدري تعملي الوصفة دي باي نوع مكسرات تفضلية
والف هنا
المزيد من المشاركات