حمو بيكا يوجه رسالة لهاني شاكر “إعتبرني إبنك”
حمو بيكا يوجه رسالة لهاني شاكر “إعتبرني إبنك”
كتبت: أحلام محمود سيد
قام مطرب المهرجانات حمو بيكا، بتوجيه رسالة إلى نقيب الموسيقيين هاني شاكر، حيث تمنى أن يرجع لغناء المهرجانات الشعبية مرة أخرى.
حيث قام حمو بيكا بمداخلة هاتفية، في برنامج كلام الناس مع الإعلامية ياسمين عز المذاع عبر شاشة MBC مصر،و قال: ” أنا نفسي أشتغل يغيروا اسمي بقى ولا يعملوا اللي عايزينه براحتهم، أنا فيه ناس فاتحة بيوت من ورا مني، أنا لو لوحدي مش هيفرق معايا إنما أنا اللي يهمني الناس اللي معايا”.
و تابع حمو بيكا: “أنا فاتح 3 مطاعم وكافيه ومشغل ناس تاني برضه، وأنا مصدر رزق للناس دي والمطاعم مكسبتش منها حاجة وبطلع المرتب من جيبي للموظفين”.
كما واصل بيكا: ” كل مطربين المهرجانات الشعبية أخدوا تصريح من نقابة المهن الموسيقية وكارنيه، ومفيش غيري ممنوع من الغناء لحد دلوقتي، وكان المفروض الامتحان بتاعي مع نقابة المهن الموسيقية اللجنة اللي فاتت، وروحت ورفضوا يدخلوني عشان أمتحن”.
وقال حمو بيكا مخاطبًا هاني شاكر: ” اعتبرني ابنك أو عيل من عيالك وقدرني زيهم أنا عايز آكل عيش”.
و يذكر أن أخر أعمال مطرب المهرجانات حمو بيكا مهرجان عركة مع بيكا، و مولد العفاريت، ومهرجان انتعاش في أوض الإنعاش، و أيضًا مهرجان قمر التيك توكاية، ومستفزة مع عمر كمال.
