حُب..وحُب

بقلم/ماريانا مختار

حُب وحُب..حب مغلف حب من غير كلام حب في صورة علاقات إنسانية،عابر لكل الحواجز ،ناس لما بيعملولنا لايك بنرجع نقرأ البوست من تاني .. وفي ناس لما بيقابلونا في الطريق بنرجع البيت اول حاجة نعملها نبص في المرايه نشوف شكل لبسنا عامل ازاي .. وفي لحظة مهما قاومت فرحتك قدام حد شفايفك بتتحرك لوحدها .. وفي حد معاه بتقوله بكل ارتياح “كدا خلاص مبقتش محتاج حاجة من الدنيا” عبارة عن ثراء عاطفي.. وفي شخص بينسيك كل الهموم بوجوده معاك من كتر ما هو مالي مكانه.. في كلمة بتعادل كل قواميس السعادة من شخص ما،اللي هي بدون كلام اصلاً.. وفي ناس كتير مش عارفين مدى تأثيرهم العظيم في حياتنا ناس مش قادرين نوصلهم ازاي بيفرق جدًا وجودهم معانا .. وانهم في وقت ما بيكونوا ملخص لكل احتياجنا
كل احتياجنا فعليًّا بيجسدوا معني لتلك الحياة..
في ناس فحياتنا هما الأمل والحياة،ناس معني اسمهم الحب والجدعنه،اتسابقوا اذاي تحافظوا علي بعض..
دمتم أوفياء.