دار المسنين ….. بقلم / نسرين فاروق
دار مسنين
شعر / نسرين فاروق
دار المسنين
حسا الوجع في نظرتك
شايفة الدموع مليا العنين
أزاي سابوكي في وحدتك.
ازاي نسوا تعب السنين
هاحكي حكاية غربتي
ابني اللي كان لي عزوتي
قسي عليا في شدتي
ومشيت خلاص من شقتي
ابني حبيبي في محنتي
وف وقت عجزي وكسرتي
سابني في بيت مش شقتي
وف وسط ناس مش دنيتي
دلوقتي تقلت خدمتي
وهانت عليك دمعتي
المزيد من المشاركات
يا حبيبي يا ابني انت فين
فاكر أنا شيلتك زمان
ووقفت جمبك للتمام
كنت فكراك ابن عمري
كنت فكراك الأمان
كنت بتحمل عشانك
كنت بسهرلك ما انام
دلوقتي سيبني لوحدتي
وانسى دموعي وشكوتي
بكرة الزمن يثبت حضورك
ويسجلك نفس المكان
نسرين فاروق
