كتبت سمسمه سعد
مدة التحضير ساعه ونص
مدة الطهى نص ساعه
المقادير
دجاجه كامله متقطعه 8 قطع
وممكن نستخدم اجنحه او دبابيس
كوب دقيق نص كوب نشا
3 بيض
نص كوب حليب
بهارات ملح فلفل اسود توم وبصل بودره
كوب رز بسمتى توابل بريانى 2مكعب مرقه كوب زبادى
الطريقه
نحضر الدجاجة تكون متنضفه حلو ومنقوعه فى ميه بخل وملح ومعلقة سكر نسلق الدجاجة فى مياه متبله ببصله صغيرة ولورا وحبهان وفلفل اسود وننشلها ونسببها تبرد ننقعها فى كوب من الزبادى ونتبلها بتوم وبصل بودرة بس لمدة ساعه فى التلاجة
نحضر الخلطة نضع الحليب على البيض ورشة ملح وفلفل وتوم وبصل بودرة ونخلطهم جيدا نحضر الدقيق والنشا ونفس التوابل
نخرج الدجاج من التلاجه ونسخن زيت للتحمير ساخن جدا نضع الدجاج فى الدقيق والنشا وننزل بيه فى البيض ونرجع تانى للدقيق وننزل فى الزيت يحمر ونخرجه على التقديم
الرز البريانى كوب رز عليهم 2كوب مياه نغلى كوبين من الميه وفيهم معلقة زبده وورقتين لورا وعود قرفه وتوابل البريانى تغلى نضع الرز لغاية ما يتشرب ونوطى عليه لغاية مايستوى ويقدم مع الدجاج والبطاطس المحمرة او الشيبسى والف هنا
رئيس قسم المطبخ أ سمسمه سعد
واسماء عزازي