” رساله فرحه” نقلتها لكم دعاء خطاب

رسالة فرحة 

*ماكانتش صدفة ان ربنا يختبرك
بتجربه صعبه.. فقلبك يتوجع فتصلي
لربنا انه يهونها عليك ?

*ماكانتش صدفة انك فجأة تلاقي حياتك تتقلب رأساً على عقب فتكون بداية لحياة جديدة قريبه من ربنا اكتر ?

*ماكانتش صدفة إنك تضيع حاجة منك كنت بتتمناها علشان ربنا كاتبلك اﻷحسن اللي هتكتشفه بعد كده ?

*ماكانتش صدفة لما جاتلك مشكله
فكشفلك ناس حواليك خاب ظنك
فيهم ?

*ماكانتش صدفة انك تلاقي رسائل
طبطبة من ربنا.. فتحس انها جتلك في وقتها وكأن ربنا بعتها ليك  وبيقولك انا معاك بس انت اصبر ?

*ماكانتش صدفة ان حد يختارك علشان يحكيلك مشكلته فتخفف عنه وكأن ربنا بعتك ليه علشان يقولك اشكر ربنا على اللي انت فيه ?

*ماكانتش صدفة ان تتاخر إجابة أمنية استنتها كتير علشان لما تتحقق تحس بسعادة وفرحة أكبر ?

* ماكانتش صدفة انك تسمع آيه
وقت زعلك ❤

هي مش صدفة هي مواعيد ربنا مقدرهالك.. 

ربنا عارف انك هتتحمل وهتقدر تعدي محنتك ومشكلتك، ربنا بيثبت فيك الصبر وانك تكون واثق ان في خير جاى ليك.. ربنا عاوزك تقرب منه وتلجأله في عز ضيقتك.

اصبر و اطمّن و خليك راضي
عن كل حاجه وربنا هيفرحك فرحة
مكنتش بتحلم بيها. ?

“وهو عليك هين” ❤️