“سوء الظن” قصيده للشاعر أحمد موسي
ولسوء الظن في حياتنا
قررنا نهاجر لكواكب تانيه
يمكن زوحل ولانه صغير
ميساعش غير اتنين احباب
وانا ونتي هنرسم عالم
وهنرسم شجره
ونرسم لوحه كمان للذكري
ويجوز بكره هنتخاصم
فتلاقي الكوكب مفيهوش غيرنا
فتقولي خلاص هرجع والومه
هرجع واحكيله وابدا اناديله
يمكن يفهم وينفذ
حضن ينسي وجع الغربه
وبقينا احرار رغم الوحده
لكن دايما بنكمل بعض
وبشوف الناقص فيكي فيا
وبشوفك جنه في عنيا
وبشوفك بيت
وبشوفك فرحه
فاتوضيت وصليت
ركعتين شكر لله
وبشوف في عنيكي نجاه
من كل ذنوب العالم
وكفايه البعد في قربك
ببعد بخيالي معاكي
ببعد ولحد سماكي
بتمني في قربك ألقاكي
انا ونتي اتنين احباب
حبو كتير في الماضي
ويجوز اخطائنا تكون اكتر
من اخطاء طفل صغير
ويجوز نتغير
فنقرر نبعد
وتعاودي علي كوكب ارضي
وتسيبي الوحده بتقتلني
وتسيبي حناني بيتزايد
وانا طبعي غريب راح اعاند
واتأقلم مع حياتي الجايه
وانسي حبك
وابعد عنك
واحطك في الخانه اياها
خانه الماضي بدون رجعه
خانه الكفر بدون توبه
فبلاش نزعل ونكتم
ويجوز راح نظلم بعض
بوساوس كدابه
وفي كوكبنا الاخر
بشوفك نجم آثر
روحي وكل كياني
وعيونك اصلا بعداني
عن شهوات العالم اجمع
فبلاش وفي مره اسمع
اني في يوم راح ازعل
وبلاش نتعاتب علي القسوه
وبلاش نتعاتب علي الغيره
من ناس اصلا ملهومش وجود
وبلاش نوضع للحب حدود
