سويسرول فاينليا وشيكولاتة مقدمه من ايمان عبد الوهاب

كتبت سمسمه سعد

مده التحضير من ١٠ : ١٥ دقيقة

مدة الطهى: ١٠ دقائق

المكونات:

أولا_سويسرول الفانليا

٥ بيضات نفصل الصفار عن البياض

١٥٠ جم دقيق (كوب الا ربع )

٥٠ جم نشا (ربع كوب)

١٠٠ جم سكر (نصف كوب)

٢ ظرف فانليا  وملعقة صغيره خل ورشة ملح

الطريقة

_فى وعاء نضيف وجاف تماما نضع بياض البيض وعليه رشة ملح ونخفقه بالمضرب الكهربائى وأثناء الخفق نضع الخل ثم  نضع نصف مقدار السكر (ربع كوب) على ٣ مرات ويستمر الخفق حتى يصبح البياض مارنج بمعنى اننا نرفع المضرب ونلاحظ ان البياض العالق بيه على شكل منقار .

_فى وعاء اخر نضع صفار البيض وعليه الفانليا وباقى السكر ونخفقه وبعد ذلك نضيف الدقيق المخلوط بالنشا على ٣مرات ونقلبهم ثم نبدأ فى إضافة البياض بالتدريج على ٤ او ٥ مرات مع التقليب بالراحة حتى لايخرج الهوا من البياض و يختفى البياض مع الصفار .

_نأتى بصاج او صنية مستطيلة مقاس ٣٠ *٤٠ ونفرش بها ورقة زبده ونضع الخليط وندخله الفرن على درجة حرارة ١٨٠ لمدة ١٠ دقائق تقريبا ونختبره بوضع خله ولما تطلع نضيفه يكون استوى نخرجه من الفرن ونغطيه بورقة زبده او فوطه نضيفه ونضغط عليه علشان نكبسه فى بعضه ثم نقلبه ونشيل ورقة الزبده ونحضر شربات خفيف (عباره عن ماء وسكر يغلو مع بعض على النار ٥ دقائق ) ونسقى بيه السويس رول وبعدين نفرد صوص الفراوله او مربى الفراوله او كريمه مضاف ليها صوص الفراوله او اى حشوه تحبوها ونلفه جيدا  ونضغط عليه واحنا بنلفه وكمان نجيب حاجه ( ممكن خشبه او الرول الكرتون بتاع ورق الزبده او الفويل )ونضغط  على السويسرول  ونسحب الطرف اللى تحت بتاع ورقة الزبده اثناء الضغط ونلفه ونشيله  فى التلاجه لمدة ساعتين ولو مستعجلين عليه ممكن نحطه فى الفريزر ربع ساعه وبعدين نقدمه وبألف هنا

ثانيا_ سويس رول الشيكولاته

نفس الطريقة مع اختلاف واحد اننا بنشيل معلقتين كبار دقيق ونحط مكانهم كاكاو

والحشو كريمة او جناش او نوتيلا او اى حاجه تحبوها

وبألف هنا

رئيس قسم المطبخ أ سمسمه سعد

واسماء عزازي