شيرين والبوتاجاز وملاحقة روتانا والحبيب المهزوم .. رؤية مختلفة وتحليل شامل

شيرين والبوتاجاز وملاحقة روتانا والحبيب المهزوم .. رؤية مختلفة وتحليل شامل

شيرين والبوتاجاز .. علي منصة التليجرام التي بها كل شئ هادئ ، جروبات مقفولة علي بعضها البعض لاتخشي العفريت، أفلام ومسلسلات مسروقة، الي التليجرام الذي لايهدد احد بتسريب محتواه أو حذفه.

بقلم الإعلامية / أمال علام

لجأت شرين اليه هرباً من ملاحقة روتانا لها، واسمت صفحتها “بوتاجاز شرين” لتطبخ فيه علي نار هادئه أروع البوماتها والتي أختتمته بأغنية ٌأبتسمت” .
حكاية الأغنية لطيفة حوارها مع نفسها اكثر منه مع الحبيب السابق اللي راجع مهزوم:
ابتسمت جالي وعليه اترسمت
قولت له انت قويت زمان
وأديك راجع لي واتهزمت
اتفاجئت لما دمّع أنا اتضايقت
اتلبخت عليه قلقت
فجأة جوايا اتقسمت
كان ده ضعف ولا عطف
ولا شوق مبقاش أوانه

اترسمت عليه أول ماقابلته، وبعد ماقويت قالتله أديك أتيت تجر اذيال الخزي مهزوم .
المؤلف أحمد راؤول بيعزف علي الكلمات ويدخلها في حيرة من أمرها، بعد مالحبيب دمع شعرت بالضيق ولا تعرف اذا كان ضعف او عطف والا شوق مبقاش اوانه .
تشبيه رائع للشوق بالفاكهة اللي مش في اوانها بتبقي مالهاش طعم .

تمنيت يكون شفقة وخفت من شيرين تضعف وترجع ..هي تخصص عودة !!
قلبي دق خطفه خطف
رجّع الإحساس مكانه
روحي جريت جري له
بس وأنا ثابتة في مكاني
جوه مني صرخت فيه
قولت له ما تبعدش تاني
بتكمل الأغنية وبتوصف مشاعرها، قلبها دق رجع الاحساس له زي ماكان ، وروحها جريت عليه بس وهي في مكانها، وصرخت جوه نفسها، الحمد لله محدش سمعها غيرنا وقالت له ماتبعدش تاني..
وعلي لحن أحمد زعيم المبهج بتختم الاغنية وتفتكر اللي عمله :
أنا أنا .. قولت لا .
اجمدي عشان ليكي حق
دوست على قلبي وقويت
وواقفة ومهزتش رمش
بينا سد
شوفت منه كتير بجد
مش بكلمة ودمعة أحن
ده في كرامتي ما بتساومش

لم تعد مرة أخري واثرت كرامتها علي حبها…الحمد لله.
من أفضل اغنيات الألبوم، ومعها بتمني أنساك ، واللي يقابل حبيبي ..
ولان الجمهور عنيد والممنوع مرغوب، هرب الجمهور مع شرين الي التليجرام ، ليستمتع باجمل البوماتها وووقف معها امام بوتاجازها ، متحدياً كل الأبواب المغلقة عليها..