شيش برك بالطريقه ( السوري ) مقدم من : هند ابو السعود
مده التحضير :٣٠ دقيقه
مده الطهي : ٦٠ دقيقه
المقادير
٢ كوب دقيق
٢ معلقه ملح
كوب ماء
معلقه كبيره نشا تدوب ف كوب ماء دافي
نص كيلو لحمه مفرومه
علبه زبادي كبيره
بصلتين مفروم
٤ فصوص ثوم مهروسه
٤ معالق زيت زيتون او ذره
فلفل اسود
كزبره خضراء وبقدونس مفروم
صنوبر او اي مكسرات
الطريقه
لعمل العجينه اولا
نخلط الدقيق مع ذره ملح مع الماء ونعجن بس الميه شويه شويه ونعجن لغايه لما تبقا العجينه ناعمه ومتجانسه ونغطيها ونسيها
وبعدين نعمل الحشو باللحمه المفرومه
ف اناء ع النار نضع معلقتين زيت يسخن شويه بعدين ننزل بالبصل مع التقليب وبعدها الثوم جزء منه بس مع التقليب وبعدها جزء من الكزبره الخضرا مع التقليب المستمر وعليهم ملح وفلفل وبعدها اللحمه المفرومه ونقلبهم ونعدين نسيبها تستوي
نحضر صلصله اللبن عباره عن كوب الزبادي نضربه بالمضرب وعليه شويه ميه وملح وعليهم النشا المذابه ف الماء الدافي كله يضرب مع بعضه ونرفعه ع النار لغايه ميغلي وننزله من ع النار
نرجع العجينه مره تانيه ع سطح مستوي نرش شويه دقيق ونفرد العجينه ونجيب فنجان ونقطع العجينه دواير متساويه ونحشيها باللحمه المفرومه ونقفل العجينه بعد الحشو ع شكل نصف دايره زي القطايف مثلا او نعملها كره حسب منحب وبعدين نجيب صينه مدهونه ع خفيف اوي زيت ونرس قطع العجين بعد الحشو وتدخل الفرن لغايه ملونها يبقا ذهبي يعني حوالي نصف ساعه ع درجه ١٨٠
لمده ٣٠ دقيقه وبعدين ف طبق للتقديم نحط جزء من صلصله اللبن ف الطبق ونرس قطع العجين بعد متطلع من الفرن وعليها باقي صلصله اللبن
وبعدين نحضر طاسه ع النار ونضع فيها شويه زيت ونضع عليه باقي الثوم المهروسه وشويه الكزبره المفرومه ويتشوح ونضيفه فوق العجين بالصلصه ف طبق التقديم ونزين بالبقدونس المفروم والصنوبر اللي يتشوح ف شويه زيت ممكن يتشوح مع الثوم والكزيره او لوحده او ممكن اي نوع مكسرات تاني …صحه وهنا
مديره مطبخ جريده اسرار المشاهير / أ: جيهان جعفر
