شيش طاوق مقدم من الشيف مامت مكة

كتبت نهي مرسي حمامه

المقادير : نص كيلو صدور فراخ بانيه مصححة ويفضل وراك وبصلة مكعبات وفلفل كوبي الوان مكعبات وبصلة صغيرة وحبة طماطم كبيرة و قرن فلفل كوبي اخضر و كوب زبادي وملح و فلفل اسمر ونص ملعقة زعتر و ¼ معلقة صغيرة بهارات مشكلة و معلقة صغيرة خل ½ عصير ليمونة و أسياخ او أعواد خشبية و رشة من كلا من : كمون وجنزابيل و روزماري وسكر ..
الطريقة : نقطع الفراخ مكعبات و نغسلها بالخل و الدقيق و الملح و في الكبة نطحن البصلة والطمطماية و قرن الفلفل الاخضر ونضعهم في طبق و عليهم جميع التوابل والزبادي و الخل والليمون و عليهم قطع الفراخ ونخلطهم ببعض ونسيبهم في التتبيلة مدة نص ساعة و نجيب الأسياخ ونرشق الفلفل وقطعة من الفراخ و مكعب من البصل و قطعة من الفراخ و الفلفل المكعبات وطاسة علي النار فيها معلقة صغيرة زيت ونسوي الشيش طاووق او يمكنك تسويته علي الشواية و الهنا والشفا .. ملحوظة : باقي الخلطة تبلي بيها فرخة و شيليها في الفريزر لحين الاستخدام او الاحتفاظ بالخلطة نفسها في الفريزر لحين الاستخدام ..