صابرين.. بقلم/ غرام نعيم.

صابرين عليك يازمان
وكبرنا قبل الاوان
ده فيك لقينا حرمان
ودقنا طعم المر
ماشوفنا أي حنان
ولاحتى شيء بيسر
دايما محيرنا وأما تخيرنا
يبقى الخيار مش حر
صابرين عليك يازمان
وريتنا ياما ناس
ماتعرف الاحساس
مالهاش عزيز ولا غالي
ولأي شيء لاتبالي. واللي داس عَ الصدق
واللي يعادي الحق
واللي انتهازي وخان
وفيه خسيس وجبان
واللي ماعنده حياء
من كل شيء بقى داق
وسمعنا عن الاخلاق
انها كمان أذواق
وأدينا بقى صابرين
على كل داء ووباء
يمكن نكون عايشين
وفي بالنا مش واخدين
إن السنين زايلين
ويانكون بني آدمين
أو نبقى من الشياطين