يارب اموت
كتبت/ ماريانا مختار
كام واحد اتمني الموت وقال انا تعبت يارب من حياتي،زهقت عايزة اموت واخلص، مش عايز اعيش؟
الحياة صعبة كلها وجع وألم
اللي فقد عزيز،واللي اتظلم واللي اتغدر،واللي اتهان،واللي اتخان، واللي محتاج شغل واللي محتاج فلوس،الخ الخ حاجات كتير فكرنا فيها وحلمنابيها،
محتاجين حياة غير الحياة، ويمكن ده نابع من عدم الرضا وضعف الإيمان وثقل الحياة والالتزامات،
يارب ارفع عنا البلاء والوباء والفناء والغلاء وسيف الأعداء، تجارب قاسية بنعيشها لكن لم تكن فوق الاحتمال هي تحت عناية الله،
كله بالميزان وعلي حسب طاقة كلنا منا، وتمر الأيام واحنا ذي ما حنا عايزين نموت.. عارفين؟!
كنا بنقول يارب اخلص بأي طريقة يارب مرض، حادثة،موت فجأة، المهم اموت ولما بتيجي اللحظة اللي بنطلبها دايماونتمنها،
نبتدي نصارع الموت من أجل الحياة نعرف أن النفس عزيزة والروح غالية وبتجاهد علشان تعيش وبتتعلق بقشاية، عايشين علي كابوس فيروس كورونا وامتي هينتشر واذاي،وقرب منا ولا لسه،خايفين واقعين تحت ضغط مطالب الحياة والخوف والمرض والامبالاة،
خليك واعي
بنصارع الموت من أجل الحياة،وبيوت ربنا قفلت في وشنا،زاد الخوف من غضب ربنا علينا ومن مبأدي الأوجاع ونهاية العالم،
سمات البشر
فجأة اكتشفنا أن العمر غالي والحياة حلوه واحنا عايزين نعيش،كل واحد جواه خوف علي حد معين،حقك تخاف،بس في اعتدال وحرص اتعلمنا زمان ان الوقاية خيرا من العلاج،
صارع من أجل البقاء بجوار أحبائك، واولادك، ومن أجل كبار السن،ومرضي ضعف المناعه،
#الزم_بيتك.