صينية مكرونة بالسجق و الفلفل الألوان مقدمة من شيف سهام الحشاش
المقدمه الشيف سهام الحشاش صينيه مكرونه بالسجق بالفلفل الألوان علي شكل بيتزا
المقادير
مكرونه مسلوقه
ميكس جبن
٢ عود زعتر
زيتون اخضر
شرائح مدوره فلفل الوان احمر واخضر
نصف كيلو سجق
بصله كبيره مقطعه مكعبات
فلفل الوان مقطع مكعبات
نص قرن فلفل حار
معلقتين كبار صلصه
معلقه كبيره ثوم مهروس
فلفل اسود وملح
معلقتين زيت وزبده
معلقه صغيره حبهان بودره
٣ملاعق كبار دقيق
٣ كوب لبن
الطريقه ننزل بالزيت وقطعه زبده ف طاسه ع البوتجاز وننزل بالسجق ونشوح السجق ونبدا نضيف البصل والثوم ونقلب ونبدا ننزل بالفلفل الألوان ونضيف رشه بسيطه من الفلفل الاسود وننزل بمعلقتين الصلصه
البشاميل
ننزل بزبده وزيت ف حله ع البوتجاز ونضيف الدقيق ونقلب ونبدا ننزل باللبن ونضيف الحبهان البودره والملح والفلفل الأسود ونقلب بالمضرب لحد ميبقي قوامه ولا خفيف ولا تقيل ونبدا نضيف معلقتين من ميكس الجبن
ونبدا نحضر صينيه مدهونه زبده ونضيف المكرونه ع السجق ونضيف عليها ٤ ملاعق بشاميل ونقلبها ونبدا ننزل بها ف صينيه مدهونه زبده ونبدا نضيف طبقه بشاميل وميكس الجبن وشرائح الفلفل الوان وعود الزعتر وندخلها الفرن لحد متاخد اللوان من فوق وتحت ونقدمها ف الطبق النهائي
