ضحكة … قصيدة بقلم أحمد حمدى

كل ما اضحك ضحكة حلوة
يسألونى عن سببها
حتى لو ضحكة جميلة
بدون حكاية
حد يحكى ايه اللى عابها؟
ناس زمان قالوا ان
ضحك بدون سبب
قلة أدب…
والكلام دا له العجب
يمكن الضحكة بريئة
لكن الحزن اغتصبها
ويمكن الضحكة جريئة
ونظرة الجرأة ف عنيها
والكلام سيّـل لعابها
فالقصيدة هـىَّ هـىَّ
والسطور مدفوع حسابها
والكلام دا هـوَّ هـوَّ
بكلمتين العقل سابها
احنا ممكن نختلف
بس مين ينفع صاحبها؟
كل دا كان برضو ممكن
انما دلوقتى لأة
للأسف مكتوب كتابها
#أحمد_حمدى_ناصف