طاجن الخضار بالكفتة مقدمة من مطبخ ندى العسال

مدة التحضير 15 دقيقة
مدة الخبز 60 دقيقة
المقادير
– نصف كيلو لحم مفروم
– خضار متقطع حلقات بسمك نصف سم ويكفى 3 حبات من كل نوع ( بطاطس . طماطم . فلفل اخضر او الوان . بصل ) وممكن كوسة او باذنجان حلقات
الصلصة
( عصير 2 حبة طماطم ومعلقة صلصة . ملح . فلفل .2 فص ثوم مفروم . جوزة الطيب . بهارات قرفة . كوب ماء مغلى )
زيت للوجه
الطريقة
– يتبل اللحم المفروم بملح وفلفل وبودرة بصل وبودرة ثوم وقرفة وجنزبيل وتعجن جيدا ونشكل منها اقراص صغيرة تشبه المينى برجر.
– يخلط عصير الطماطم فى الخلاط و نضيف معه الصلصة والثوم والتوابل والماء الساخن .
– نحضر صنية دائرية او مستطيلة الشكل ويرص الخضار بالترتيب كما فى الصورة واحدة من كل نوع خضار وبعدين كفتة وهكذا
– يصب فوقهم خليط عصير الطماطم والقليل من الزيت عالوجه .
– نغطيها بورق الومنيوم وتدخل الصنية الفرن على حرارة 200 درجة فى الرف الاوسط لمدة نصف ساعة وبعدها نرفع الفويل وتترك نصف ساعة اخرى كى تتشرب جزء من الصوص وتاخد لون عالوجه بسيط وممكن اشعال الشواية فى الاخر .
– نخرجها من الفرن لتهدأ وتقدم مع ارز ابيض او بشعرية او مع الخبز
ملحوظة : ممكن نشعل فحماية فى الاخر ووضعها وسط الخضار لاعطاء طعم ونكهة شوى جميلة للكفتة وللخضار .
وصفة حلوة غنية وصحية وموفرة ومفيدة بكل العناصر الغذائية للاطفال وشكلها جذاب ومختلف كمان فى العزومات وطعمها طبعا ولا أروع وبالهنا والشفا
مدير مطبخ جريدة اسرار المشاهير أ / جيهان جعفر