كتبت سمسمه سعد
مده التحضير ربع ساعة
مده الطهي نصف ساعة
المكونات
اولا ..مقادير عصاج الدجاج
ربع كيلو صدور دجاج
معلقه كبيره سمن
بصله صغيره مبشوره
2ثمرة فلفل رومي مقطع مكعبات
مكعب مرقة دجاج
رشة ملح
رشة حبهان على لوري
معلقه صغيره كاري
2معلقه كبيره صويا صوص اختياري
ربع كوب ماء
ثانيا مقادير الطاجن
كيلو باذنجان رومي
معلقة كبيره صلصه
معلقه كبيره زبادي
معلقة زيت زيتون اختياري
معلقة زيت نباتي عباد او دره
نصف معلقة صغيره نعناع
نصف معلقه صغيره زعتر
نصف معلقه صغيره توم بودر
رشة ملح
رشة فلفل
رشة حبهان على لوري
ثالثا مقادير الصوص
2حبة طماطم متوسطين
بصله متوسطه
فصين توم مفرومين
معلقه صغيره بابريكا
نص معلقة صلصه
معلقة زيت
رشة ملح
رشة فلفل اسود
ربع كوب ماء
100جرام جبنه موتزريلا مبشوره
الطريقه
اولانعصج الدجاج
نغسلها ونقطعها مكعبات صغيره
نسخن السمن وننزل عليه بمرقة الدجاج والبصل ونقلب يدبل ننزل بالدجاج ونقلبها لحد ما لونها يبقى ابيض ننزل بالكركم والبهارات ونقلبها تقليبتين لحد ما تشرب مياه وتشكشك ننزل ربع كوب الماء ونسيبها تستوي وتتشرب الميه ننزلبالصويا صوص اختياري.تقليبتين وننزل بالفلفل المكعبات وتقليبه ونطفي
نبدا نحضر الطاجن
نحضر التتبيله
في طبق غويط ننزل بالزبادي والصلصه والزيت والملح والفلفل والنعناع والحبهان على لوري ونقلبهم في بعض
نقطع الباذنجان شرايح متوسطة السمك. موضحه في الصور
وننزل بيها في التتبيله ونقلبهم جيدا
ندهن طاجن او صنيه يفضل طاجن بمعلقة زيت وننزل بالباذنجان ونغطيه بورق زبده وندخله الفرن الصوره موضحه
على الصاجه ونسيبه نص ساعه ونشيل الورقه ونسيبه خمس دقايق عشان يحمر وشه
نبدا نحضر الصوص
هنقطع البصله قطع كبيره
نقطع الطماطم قطع كبيره وننزل بيهم في حله وعليهم رشة ملح ورشة فلفل وفصين توم مفرومين ومعلقة زيت وربع كوب ماء ونرفعه على النار لحد ما البصل والطماطم يستووا
نضيف عليهم معلقه صغيره بابريكا ونص معلقة الصلصه ونقلبهم ونضربهم بالهاند بليندر او مطحنة الخلاط لحد ما يبقى بيوريه ناعم جدا
نخرج الطاجن من الفرن
ننزل بالدجاج المعصجه فوق الباذنجان وننزل عليه بالصوص ونفرده على وش الطاجن زي الصوره
ونرش على وشه الجبنه الموتزريلا وندخله الفرن على الشبكه ياخد لون ونخرجه نقدمه
وبالف هنا
رئيس قسم المطبخ أ سمسمه سعد
واسماء عزازي