كتبت سمسمه سعد
مده التحضر ١٠دقايق
مده الطهى ٢٠دقيقه
نصف كيلو ملوخية خضرا
لتر مرقة ( اي نوع مرقة حسب المتاح)
مكعب مرقة
معلقة صغيرة سكر
معلقتين كزبرة جافة
معلقتين توم مهروس ناعم
معلقتين سمنة
فصين مستكة
الطريقة
نقطف الملوخية و نغسلها و نفردها ونتركها علي قماشة تنشف
نفرمها بالمخرطة
نضع إناء علي النار فيها 3 كوب مرقة + مكعب المرقة علشان يعلي الطعم لو الشوربة دسمة و غنية نستغنًي عن المكعب
نضيف معلقة سكر و معلقة توم مفروم ناعم و معلقة كزبرة جافة و نتركهم يغلو غلوتين علشان يطعموا المرقه
بعدها ننزل الملوخية المخروطة في المرقة و نقلب سريعاً بمضرب سلك يدوي و نضبط القوام باضافة كوب مرقه
الطشه
طاسة علي النار نضع فيها معلقتين سمنة و لما تسخن نحط معلقة كبيرة توم مفروم ناعم و نقلبها لحد ما تاخد لون ذهبي
ننزل عليها بمعلقة كزبرة جافة و نقلبها ثواني ثم نبعد الطاسه عن النار و ننزل بفصين مستكة و نقلب علشان يسيحوا من الحرارة
و نضيف الطشة علي وجه الملوخية و ناخد من الإناء مقدار كبشة او اكتر في الطاسة علشان اي بواقي للتوم والكزبرة تنزل علي الملوخية
نغرفها فوراً و تقدم بالف هنا و عافيه
رئيس قسم المطبخ أ سمسمه سعد
واسماء عزازي