طريقة تحضير الفتة مقدمه من مطبخ دعاء صالح
كتبت سمسمه سعد
وقت التحضير ١٥دقيقه
وقت الطهي ساعه
المكونات
١كيلو أرز مصري مغسول
١كيلو لحم مكعبات كبيره
نصف كيلو عصير طماطم
٣ رغيف عيش بلدى اوشامى
٣ ملعقه كبيره خل
٢ ملعقه كبيره صلصة طماطم
٥ فصوص ثوم مفروم ناعم
( ملح /فلفل اسود/ كمون/ شطه / بابريكا /كسبره ناشفه ) نأخد حسب الذوق من كل البهارات
الطريقة
اولا نسلق اللحم فى ماء ساخن مع ملح وفلفل اسود وبصل ورق لورا و حبهان ويفضل اضافة الملح بعد ربع ساعه من سلق اللحم لسرعة التسويه
ثانيا فى اناء على النار نضع الزيت والارز ونشوح الارز حتي يشرب ماؤه ثم نضيف عليه الماء او مرق اللحم والملح ويترك ينضج حتي النهايه ونضيف ٢مكعب زبده لزيادة الطعم لذه
ثالثا العيش يقطع بمقص او سكين مكعبات وسط او حسب الذوق ويقلا فى زيت غزير ويوضع فى طبق عليه مناديل مطبخ لتجفيف الزيت الزائد ونرشح ملح وكمون بسيط
رابعا الصلصة
نحضر طاسه على النار فيها مكعب زبده او سمن ونحمر الثوم ونضيف الخل ثم عصير الطماطم وصلصة الطماطم مع الملح والفلفل والكمون والببريكا ونضعها تنضج
التطبيق
نحضر طبق كبير نفرد العيش المحمر فى الزيت ثم الارز ثم الصلصه ثم قطع اللحم وعند التقديم ناخد نصف كوب من مرق اللحم ويصب على طبق التقديم
ملحوظه
١/عند سلق اللحم لا اضيف بوكيه جرنيه افضل الملح والفلفل الاسود فقط للاستمتاع بمذاق اللحم
٢/عند التقديم لو حبا تحمري اللحم او يدخل الفرن ياخد لون ممكن حسب الرغبه طبعا.
الف هنا وشفا
رئيس قسم المطبخ أ / جيهان جعفر
