أحدث أخبار الفن والرياضة والثقافة والمرأة والمجتمع والمشاهير في كل المجالات

علشان انتى ام بقلم /داليا حسام

علشان انتى ام
بقلم /داليا حسام

لما تخلفى ولد متسمعيش كلام الناس حوليكى لما يقولولك انشفى وأقسى عليه فى المعامله علشان يطلع راجل

علميه الحنية

علميه يكون حنين
علميه يحبك ويحترمك
علميه الكلام الحلو
علميه يحضنك فى الشارع ويمسك ايدك وانتو ماشين
علميه يمشى فرحان وفخور بيكى .
مش يمشى مداريكى ورا ضهره
علميه يبقى فخور بنجاحك فى شغلك ويشجعك عليه
علشان لما يكبر ويقرر يتجوز ربنا يبعتلك واحده تدعيلك العمر كله انك طلعتى راجل حنين على بيته .

علميه الاحترام
بيعرف يحب ويحترم ويقدر الست اللى معاه
ميطلعش عنده عقد نفسيه

بلاش تخلى ولادك شخصيتهم ضعيفه ومعندهمش ثقه فى نفسهم علشان مبتديهمش فرصه يعبرو عن اللى جواهم قصادك.

الوفاء  بالوعود

بلاش يكبرو ويكرهو كلمة “إن شاء الله ” لأن كل وعد توعديه تقولى أن شاء الله ودايما ميتنفذش علميهم يحترمو الوعود

بلاش تخليهم يدورو على الحنان بره البيت لأنهم ملقهوش فى حضنك.

زرع الثقة

بلاش تفضلى تقارنى بين نفسك زمان وبينهم دلوقتى علشان متخليهمش
دايما حاسين انك مش راضيه عنهم
خليهم دايما شايفين نفسهم جوه عنيكى علشان يثقو فى نفسهم

سيدنا على قال : لا تربوا أولادكم على أخلاق زمنكم فأنهم خلقوا لزمان غير زمانكم

ربى أولاد حنينه واثقه فى نفسها علشان يخرجو للمجتمع واللى يتعامل معاهم يدعيلك

علشان انتى ام.

 

قد يعجبك ايضآ
اترك رد

لن يتم نشر عنوان بريدك الإلكتروني.