فراخ مشويه مقدمه من الشيف المتميزة نجلاء النجار
فراخ مشويه وزن الفرخه كيلو ونصف
مقدمه من نجلاء النجار
مده التحضير 15 دقيقه
مده الطهي. 20 دقيقه
ليها تتبلتين
التتبيله الاولي هنضف الفرخه ونغسلها كويس جدا ونضع في بوله ماء كتير ونصف كوب خل ونصف ملعقه كاري واربع ملاعق كبيره ملح خشن ونضع فيهم الفرخه ونقلبها كويس في المايه حتي تخرج زفارتها وتترك 3 ساعات في التلاجه وبعدها نغسلها كويس بميه تاني
التتبيله التانيه عباره عن
نصف كوب زيت نباتي
نصف كوب خل ابيض
كوب زبادي
راس توم فصوص مقشر
بصله وسط
2 مرقه دجاج
ملعقه ملح
ملعقه صغيره جوزه الطيب
نصف ملعقه صغيره قرفه
نصف ملعقه صغيره فلفل اسود
لتر ماء
الطريقه
نأتي بالفرخه بعد غسلها من التتبيله الاولي ونضع كل مكونات التتبيله التانيه في الخلاط ونضرب جيدا ونضع ماء حتي يمتلئ الخلاط ونضرب ونضع الخليط في بوله كبيره ونضع بها الفرخه واذا احتاجت ماء نضع لها حتي نغطي الفرخه بالتتبيله ونغرقها بها ونغطيها وتترك ليله في التلاجه وبعدها نصفيها من التتبيله ونضعها في سيخ الشوايه ونغلق عليها من الجانبين بمكبس السيخ كما في الصور ونضعها في الفرن ونشغل الشوايه لكي تلف الفرخه ونشعل الفرن من فوق فقط ونضع تحتها صينيه وبها كميه من التتبيله ونسقي بها الفرخه من ان لاخر حتي تحمر من جميع الجوانب والف هنا
