فسيخ شم النسيم مقدم من الشيف / سناء صبرة
كتبت دعاء نصر
المقادير :
٢ كيلو سمك بوري طازة و كبير حوالي ٤ سمكات
كيس ملح خشن
٤ معالق كبيرة كمون
٤ معالق كبيرة شطة
٤ معالق كبيرة كاري
ربع كوب خل
١٠ اكياس نظيفة للف
مشمع
لزق
الطريقة :
يتم غسل السمك بالملح ويجف جيدا من الماء بمناديل مطبخ او قطعة قماش نظيفة و كثيرا منا لا يحتاج لغسل السمك عادي . المهم مصفي او زجاحة بلاستيك يقطع العنق ويقف فيها السمك راْسه تحت علي مناديل لنزول الدم كله من السمك لمدة ١٢ ساعة ليلة كاملة ونخلط جميع البهارات السابقة مع بعض ويحشي بيها الرأس من ناحية الخياشيم علي الاخر لحد ما تحسي انها هتنفجر ونحتفظ بجزء من الخليط هنجيب كيس و نرش فيه جزء من الخليط و نضع سمكة عكس التانية .. كل سمكتين في كيس و نربط الكيس كويس جدا و نلفه في كيس تاني و نربطه اهم حاجة نخرج الهوا من الكيس لتجنب فساد او عدم تسوية الفسيخ ونقفله جامد بلزق قوي ذي سلوتيب مثلا حوالي ٥ او ٦ اكياس و اخر لفة تكون مشمع ونربط جامد و نسيبه في مكان مانحركهوش منه بس ابتداءا من اليوم الخامس لحد اليوم ال ١٥ هنقلبه كل يوم مرة بلفته كده ذي ما هو اوعي تفتحي عليه . قلبيه يوم علي جنبه يوم علي بطنه يوم علي اليمين يوم علي الشمال لحد مايخلصوا ال ١٥ يوم و التقليب ده بيخليه يستوي و للعلم مش بيطلع ريحة ذي اللي بنشتريه من برة .. و بألف هنا وشفا ..
