فينو وكيزر بالحليب للمدرسه مقدم من اسلام عصفور
- كتبت سمسمه سعد
- مده التحضير حوالى ساعه
مده الطهى حوالى 10 دقايق
المكونات
6 كوب دقيق
ملعقه كبيره بيكنج بودر
2 ملعقه كبيره خميره فوريه
2 ملعقه كبيره حليب بودره
ملعقه صغيره سكر
ملعقة صغيرة ملح
ملعقه كبيره خل
نصف كوب زيت ملعقه صغيره سمنه بلدى (إستخدمت البقره الحلوب تحفه فى الريحه والطعم )
حليب دافئ للعجن
لدهان الوجه
بيضه
ربع كوب حليب
رشه فانيليا
سمسم
الطريقه
نخلط المكونات الجافه مع بعض ونضيف الزيت ونقلب جيدا ونضيف الحليب ونعجن لما العجينه تلم معانا وأهم حاجه نعجنها جيدا وتكون بتلزق بسيط فى الإيد ونضيف آخر حاجه ملعقه السمنه نلم بيها ونخلص بيها ايدينا من العجين ونغطيه لما يخمر نقطعه كور صغيره ونسيبها ترتاح 10دقايق نفرد الكوره على دقيق بسيط ونلفها رول لجوه ونفرش الصاج ورق زبده أو زيت خفيف ونرص العيش ونسيب مسافه ونسيبه يخمر تانى نص ساعه لما حجمه يزيد ندهن الوجه بيضه مضروبه مع قليل من الحليب ورشه فانيليا بتخلى الريحه وهو فى الفرن وبعد السوا رووووعه ونرش سمسم أوحبه البركه أونسيبه ساده زى ما تحبو وندخله الفرن على الشبكه فى النص على نار متوسطة لما القعر يتحمر نولع الشوايه الوش يتحمر ونطلعه نلفه فى قماشه ونغطيه علشان يفضل طرى
خفيف وهش جدا
رئيس قسم المطبخ أ / جيهان جعفر
