كب كيك البيتزا مقدم من الشيف ايناس حسنين

كتبت غادة المصري،

المقادير

كيلوا دقيق حوالى ٧ كوب
2 زبادى كبيره
2 كيس لبن نيدوا او ٤ معالق كبار
١/٢ كوب زبده او سمن او زيت او خليط منهم
ماء دافئ للعجن حوالى 2كوب
ملعقة صغيره ملح
2ملعقة.خميره فوريه
بيضه
للحشو
فلفل الوان
سوسيس مقطع حلقات
صلصه بيتزا
جبن بيضاء
جبن رومى
جبن موزاريلا
للصلصه
2ملعقة صلصه طماطم
ملعقة زيت زره

١/٤معلقه صغيره من كل من
توم بودر
بصل بودر
زعتر بودر
روز مارى بودر
ريحان بودر

الطريقه
نخلط المكونات كلها مع بعض وتعجن بالماءالى ان تتكون عجينه متماسكه تترك لتستريح حوالى ساعه
لتشكيل كب كيك البيتزا
ندهن قوالب الكب كيك بالزيت او السمن ونرشها دقيق
وناخد قطعه من العجينه نفردها بالنشابه ونقطعها بقطاعه دايره
كبيره اكبر من حجم دايره الكب كيك وندهنها صلصه وجبنه بيضاء
ثم توضع فى القوالب ويضغط عليها لتاخذ شكل القالب وتوضع باقى الحشوه وتترك لتستريح نصف ساعه وتخبز على درجه حراره ٢٠٠ لمده ٢٠ دقيقه وتقدم ساخنه