كشري اسكندراني بالبيض مقدم من الشيف صفاء دياب

مدة التحضير 15 ق
مدة الطهى 30 ق
المقادير :
للبصل المحمر
2 كوب زيت وملعقة دقيق
ورشة ملح
و2 بصلة كبيرة مفرومة
للبيض :
ملعقة سمن
ورشة كارى
وكركم
وملح
وفلفل اسمر
و6 بيض مسلوق
للكشرى :
2 كوب رز مصرى
وكوب عدس اصفر
وبصلة صغيرة
وملعقة كارى
ونصف ملعقة صغيرة كركم
ونصف ملعقة صغيرة كمون
للصوص :
3 طماطم مبشورة
ونصف حزمة كسبرة خضرا
و3 ملاعق خل
وملعقة هريسة شطة او هوت صوص
ونصف ملعقة صغيرة ملح
الطريقة :
نرش البصل بالدقيق والملح ويحمر فى زيت بارد حتى يحمر ويتقرمش وينشل على ورق مطبخ ولعمل الكشرى ناخد 3 معالق من زيت تحمير البصل ونحمر البصلة الصغيرة وننزل عليها بالبهارات ثم الرز ونشوح ونرش العدس علي الوش دون تقليب حتى لايعجن ونضع فص ثوم مفروم للنكهة ونزود ٢ كوب ماء مغلى عيار الرز فقط والعدس يستوى عالبخار ويكون مفلفل ونهدى لحد مايتشرب ونقلب
نحمر البيض بعد تتبيله بالكارى والكركم والكمون وملح وفلفل فى ملعقة السمن ولعمل الصوص يقلب المكونات علي البارد ويقدم بالف هنا