كتبت إيناس حسنين
المقادير :
كارع متقطع و منظف جيدا
و بصلة كبيرة مقطعة
و ٤ فصوص توم مهروسين
و ملح و فلفل اسمر
و حبهان و مستكة
و ورق لوري
و ١/٤معلقة صغيرة كمون
و ١/٢ معلقة صغيرة بهارات مشكلة
و ملعقة صغيرة خل
و زيت و كوب عصير طماطم
المزيد من المشاركات
الطريقة :
ينظف الكارع جيدا بماء ساخن وبالخل والدقيق والملح ونحضر طنجرة بها ماء مغلي نضيف فيه الكارع ٥ دقايق غليان و ناخد الماء نتخلص منه و نضيف علي الكارع ماء مغلي جديد و نضيف الحبهان والمستكة و ورق اللوري و نتترك تغلي مدة ساعة و نص و قرب التسوية نضيف الملح والفلفل الاسمر وبالهنا والشفا ..
و ممكن بعد السلق نحضر طاسة فيها زيت و نضيف عليه البصل والتوم و يشوح جيدا ثم نضيف عصير الطماطم ونضيف الكمون و الخل و يتسبكوا قليلا و نضيفهم علي الكارع و تترك علي النار مدة ربع ساعة و نطفي و تقدم ساخنة و بألف هنا وشفا ..