كيك الشيكولاتة مقدمة من الشيف ام محمد البعدادي

السلام عليكم
إسم الوصفه / كيك الشيكولاتة البسيط
مقدم من / أم محمد البغدادى
زمن التحضير / 15 دقيقه
زمن الطهى / 25 دقيقه
المقادير المذكوره لصينيه وسط
المقادير
3ملاعق كبار ذبده طريه بدرجه حراره الغرفه
كوب سكرناعم
فانيلا
3 بيضات
ملعقتين كبار نيوتلا أو أى نوع شيكولا متوفر سايح
ملعقه كبيره قشطه معلبه
ملعقه صغيره نسكافيه مدوبه فى ملعقه ماء
كوب ونصف دقيق
ملعقه بيكنج بودر وربع ملعقه بيكربونات صودا
2 ملعقه كبيره كاكاو خام ننخلهم مع بعض 3 مرات
الصوص
ملعقتين كبار قشطه معلبه
ملعقتين كبار نيوتلا نخلطهم جيدا يبقوا جاهزين
الطريقه
حنخفق الزبده مع السكر جيدا بالمضرب الكهربى وبعد كده ننزل بالشيكولاته والقشطه ونخفق ثم ننزل بالبيض واحده واحده مع الخفق وبعد كده ننزل بخليط الدقيق والنسكافيه المدوب ونخفق خفقه بالمضرب حتى التجانس ونشيل المضرب ونكمل بالملعقه نقلب حتى اختفاء الدقيق تماماً
نجهز صينيه وسط مدهونه زبده ومتبطنه بالدقيق كويس ننزل فيها خليط الكيك ونساويه فى الصينيه بحرص وندخلها على فرن ساخن مسبقاً متوسط الحراره على الرف الوسط بتاخد تقريباً25 دقيقه وحسب فرنك تطلع سبيها تهدا شويه وتقلبيها على شبك وتترك حتى تبرد تماماً وبعد كده تفردى عليها الصوص اللى جهزناه وتقطع حسب الرغبه وتقدم وبالهنا
ملحوظات الوصفه
* * خليط الكيك ده بيكون تقييل نسبياً مش زى خليط الكيك العادى
** سمك الكيك مش بيكون عالى اوى يعنى المقدار ده فى صينيه وسط حيطلع بنفس السمك اللى فالصوره
رئيس قسم المطبخ أ / جيهان جعفر