كيك موس الشيكولاته
مقدمه من شيف مني التابعي
المقادير
كيك الشيكولاته
كوب وربع دقيق
ربع كوب كاكاو خام
1 كوب سكر
نصف كوب لبن
نصف كوب زيت او ربع زيت وربع زبده
2 بيضه
فانيليا
ملعقه صغيره خل
ربع ملعقه صغيره بيكنج بودر
رشه ملح
طريقه الكيك
هنخلط المكونات السائلة مع بعض ونخفقها جيدا لتمام الذوبان ونضيفها للدقيق المنخول والكاكاو المنخول والبيكنج بودر المنخول ورشه الملح ونقلب الخليط ونضعه فى صينيه متبطنه بالدقيق أو ورق الزبده وتدخلها فرن ساخن مسبقا على 180 درجه على رف اوسط لمده نصف ساعه نخرجه تبرد ونقسمها ناخد منها شريحه بسمك 2 سم ونضعها فى الصينيه ونضع فوقها طبقات شيكولاته
للكريمه
٢ باكت كريم كراميل
٢ كوب لبن حليب سائل
٢ كريمه خفق حلويات 250 جرام للباكت
250جرام شيكولاته دارك
250 جرام شيكولاته بالحليب
٢ملاعق كبار هرميه جيلاتين
كاكاو خام للتزين
الطريقه
فى اناء هنضيف الكريم كراميل على اللبن ونقلب على البارد ونرفعهم على النار يبقي فاتر زى دمع العين فقط ميغليش ولا يدخل فى مرحله التسخين اطلاقا ناخد الكريم كراميل نقسمها إلى اتنين من الاكواب متساويه ونتركه ونحضر طبقات الشيكولاته طبقتين
طبقه الشيكولاته الدارك
ناخذ الشيكولاته الدارك وندوبها فى الميكروويف او علي بخار ماء ونضيف كوب من الكريم كراميل اللى قسمناه ل جزئين
ونقلب ونضيف ملعقه كبيره جيلاتين مذابه فى ماء مغلى حوالى ثلاث ملاعق من الماء المغلى ونقلب ونضيف باكت كريمه لبانى كريمه الخفق للحلويات نخفقها بالمضرب ومنبالغش فى الخفق علشان متفصلش وتجبن ونضيفها للخليط ونقلب
نحضر صينيه قابله للفتح
ونضع فيها شريحه كيك الشيكولاته ونضع فوق الكيك خليط الشيكولاته الدارك ونضعه فى الفريزر يتماسك نخرجه ونختبره بخله للتأكد أنه تماسك من الداخل لان اول مبيدخل الثلاجه بيتماسك بسرعه من الخارج ومن الداخل لسه
طبقه الشيكولاته البيضاء
نفس الطريقه هندوب الشيكولاته البيضاء فى الميكروويف او حمام مائي
ونضيف ليها كوب من الكريم كراميل اللى قسمناه لجزئين
ونقلب كويس ونضيف له ملعقه كبيره من الجيلاتين المذابه في ماء مغلي حوالى ثلاث ملاعق من الماء المغلى ونقلب ونضيف ليه باكت كريمه لبانى مخفوقه ونقلب ونضيف الخليط ده فوق خليك الشيكولاته الدارك بعد ميتماسك وندخلها الفريزر لتتماسك ونختبرها بخله بكدا يبقي عملنا كل الطبقات
وبعد ما تتماسك نزينها بالكاكاو
وبالف هنا
تابع ايضا الكرواسون مقدمه من شيف مني جوده