كيكة دقيق الذرة والبطاطا الحلوة مقدمة من : دعاء نصر
مدة التحضير: 15 دقيقه
مدة الطهي: 45 دقيقه
المقادير
١ ونص كوب دقيق ذرة
كوب سكر
كوب الا ربع حليب
٣بيضه
٢معلقه زبدة بدرجه حرارة الغرفه
معلقتين بيكنج بودر +فانليا
٤وحدات بطاطا(حوالي نص كيلو ) مسلوقه ومهروسه اختراع والله بتخلي الطعم تحفه
٥مكعبات كيرى
معلقه كبيرة نشا
رشه ملح ورشه قرفه
الطريقه
في الميكسر او الخلاط ننزل بالبطاطا والسكر والزبدة والجبنه ونضرب
وبعدين الحليب والبيض والفانليا ونضرب جيدا
نكون مجهزين الدقيق وعليه البيكنح بودر ورشه الملح والقرفه و معلقه النشا
وانزل بالخليط عليهم واقلب كله عشان يتجانس
واكون مجهزة صنيه مدهونه زبدة ورشة دقيق وانزل بالخليط فيها
نكون مسخنين فرن علي ١٨٠ وندخلها الفرن بتاخد حوالي ٤٥دقيقه واوعي تفتحي عليها الفرن قبل تلت ساعه وطبعا اختبريها بخله لو طلعت نظيفه تبقي استوت وبعد ما تستوى اطفي الفرن وسيبيها ٥دقايق في الفرن مقفول عليها
الصوص الي عليها ده عبارة عن
نص كوب كريمه عليه معلقه زبدة وكوب شيكولاته بيضا مبشورة ونقطه لون بينك
علي النار نسخن الكريمه والزبدة واول ما تغلي اشيلها وانزل بالشيكولاته واقلب لحد ماتسيح واحط عليها اللون واسيبها تبرد واحطها علي الكيك لما تبرد
رئيس قسم المطبخ أ/ جيهان جعفر
