كتب_أمجد زاهر
وجهت الفنانة لقاء الخميسي رسالة للمنتقدين عبر حسابها الشخصي على موقع انستجرام اليوم،
مشيرة إلى أن الفنان عبارة إنسان لديه مشاكل وأزمات أيضا، و”كفاية تسالي على الفنانين”.
وقالت لقاء الخميسي خلال مقطع فيديو عبر صفحتها الشخصية على انستجرام: «رجاء من كل الناس اللي بتتابع السوشيال ميديا اللي بيحب حد يدخل عنده ويقوله كلمتين حلوين أو يصمت مبتحبش متقولش ممكن نختلف في الآراء، لكن لازم نتعلم إزاي نحترم الاختلاف».
لقاء الخميسى لـ جمهورها:بطلوا ترفضوا أفكارنا وثقافتنا..عندنا أزمات نفسية ومادية
وأضافت لقاء الخميسي: «ياريت نبطل نهين بعض، ونرفض أفكار بعض كل واحد زي ما تربي، وكل واحد وثقافته وكل شخص ليه تفاصيله ومعتقداته وأفكاره وثقافته، فلازم نحترم بعض على قد ما نقدر، ولا يصح أن أهاجم حضرتك، دي حاجة بقت تزهق بصراحة».
وتابعت: «الممثل عنده نفس التفاصيل اللي بتمر بيها، أزمات نفسية ومادية وعائلية ومشاكل ومنحبش نوريكوا مشاكلنا، احنا موجودين في الدنيا علشان خاطر نبسطكم ونفرحكم ونقدملكم محتوى يغير مودك، كفاية تسالي على الفنانين».
لقاء الخميسى…إحنا بنيجي على نفسنا علشان نبسطكم
وواصلت: «إحنا بنيجي على نفسنا علشان نبسطكم، وبنحب شغلتنا وبنحبكم، فرجاءً حبونا شوية وأدونا هوا،
وشوفونا بني آدمين طبيعين، عندنا مشاكل وصدقوني مفيش حد في العالم معندوش مشاكل، كل واحد ربنا بيديله على قد قدراته، الرحمة حلوة ياجماعة».
وفي وقت سابق، أثارت الفنانة لقاء الخميسي الجدل عبر صفحتها الشخصية على موقع تويتر،
بانتقادها للنقاب والنساء المنتقبات خلال الساعات القليلة الماضية..
مشيرة إلى عدم وجود نص قرآني بفرض النقاب على النساء.